Kalki 2898 AD: పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన చిత్రం కల్కి 2898AD. వైజయంతీ మూవీస్ బ్యానర్ పై అశ్వినీదత్ నిర్మించిన ఈ సినిమా జూన్ 27 న ప్రేక్షకుల ముందుకు వచ్చి భారీ విజయాన్ని అందుకుంది. ప్రభాస్ కెరీర్ లో ఇలాంటి విజయాన్ని అందుకోవడం నాలుగో సారి. బాహుబలి తరువాత అసలు సిసలైన విజయం అందుకొని మరోసారి తన సత్తాను చాటుకున్నాడు.
ఇక ఈ సినిమాలో అమితాబ్.. అశ్వత్థామగా కనిపించగా.. కాంప్లెక్స్ అధినేత సుప్రీమ్ యాస్కిన్ గా కమల్ హాసన్ నటించాడు. మైథలాజికల్ కు సైన్స్ ఫిక్షన్ ను జోడించి నాగీ ఈ అద్భుతమైన కళాఖండాన్ని సృష్టించాడు.ఇప్పటివరకు ఈ సినిమా రూ. 900 కోట్లు రాబట్టి రికార్డ్ సృష్టించింది. సినిమా మొత్తం ఐకానిక్ షాట్స్ తో నిండిపోయాయి అంటే అతిశయోక్తి కాదు.
ఇక సినిమా అంతా ఒక ఎత్తు అయితే.. క్లైమాక్స్ లో కమల్ నటన మరో ఎత్తు. ఎవరు ముట్టుకోలేని అర్జునుడు విల్లును సుప్రీమ్ యాస్కిన్ ఎత్తి.. జగన్నాథ రథచక్రాలు వస్తున్నాయి.. వస్తున్నాయి.. రథ చక్ర ప్రళయఘోష భూమార్గం పట్టిస్తాను.. భూకంపం పుట్టిస్తాను.. భూకంపం పుట్టిస్తాను అంటూ డైలాగ్ చెప్పడంతో సినిమా ముగుస్తుంది. ఈ ఐకానిక్ షాట్ ప్రేక్షకులకు గూస్ బంప్స్ ను తెప్పించింది.
ఇక ఈ ఐకానిక్ షాట్ ఐడియా నాగ్ అశ్విన్ ది కాదట. తాజాగా ఆయన ఒక ఇంటర్వ్యూలో ఈ విషయాన్నీ తెలిపాడు. ఈ ఐకానిక్ షాట్ వెనుక ఉన్న హస్తం లోకనాయకుడు కమల్ హాసన్ దే అంట. ఇలా చేస్తే బావుంటుంది అని ఆయన చెప్పడంతోనే ఆ షాట్ పెట్టినట్లు నాగీ చెప్పుకొచ్చాడు. అదే సినిమాకు హైలైట్ గా నిలిచింది. ప్రస్తుతం ఈ వ్యాఖ్యలు నెట్టింట వైరల్ గా మారాయి. ఎంతైనా కమల్ అంటే ఆ మాత్రం ఉంటుంది కదా అని నెటిజన్స్ కామెంట్స్ చేస్తున్నారు.