Bollywood Shraddha Kapoor Stree 2 Teaser Out Now: బాలీవుడ్ అందాల భామ శ్రద్ధ కపూర్, రాజ్కుమార్ రావ్, పంకజ్ త్రిపాటి మెయిన్ రోల్స్లో యాక్ట్ చేసిన మూవీ స్త్రీ 1. 2018 లో రిలీజైన ఈ మూవీ బాలీవుడ్ బాక్సాఫీస్ వద్ద సంచలన విజయాన్ని సాధించింది. కామెడీ హర్రర్ నేపథ్యంలో ఆడియెన్స్ ముందుకు వచ్చిన ఈ మూవీ ఏకంగా 180 కోట్ల వసూళ్లను రాబట్టి అందరికి షాక్ ఇచ్చింది. అంతేకాదు 2018లో అత్యధిక వసూళ్లు సాధించిన సినిమాల్లో ఒకటిగా రికార్డు క్రియేట్ చేసింది.
ఇప్పుడు ఈ చిత్రానికి సీక్వెల్గా స్త్రీ 2 రూపొందుతోంది. అమర్ కౌశిక్ ఈ మూవీకి దర్శకత్వం వహిస్తున్నాడు. ఇక ఈ సినిమాలో మళ్ళీ శ్రద్ధ కపూర్, రాజ్ కుమార్ ప్రధాన పాత్రలో యాక్ట్ చేస్తున్నారు. మడాక్ ఫిల్మ్స్, జియో స్టూడియోస్ బ్యానర్ పై దినేష్ విజన్ ఈ మూవీని నిర్మిస్తున్నారు. ఆడియెన్స్ ఎంతో ఇంట్రెస్ట్గా వెయిట్ చేస్తున్న ఈ సీక్వెల్ మూవీ ఆడియెన్స్ ముందుకు ఆగస్టు 15న రాబోతుంది. ఈ నేపథ్యంలో తాజాగా మూవీ టీజర్ రిలీజ్ చేశారు మూవీ మేకర్స్.
Also Read: మాస్ హీరో ప్లేస్లో మాస్ కా దాస్
ఓ స్త్రీ మమ్మల్ని కాపాడు అంటూ గోడలపై రాసిన రాతలతో భయపెడుతోంది ఈ టీజర్. ఇందులో శ్రద్ధాకపూర్ స్త్రీ పాత్రలో కనిపించబోతుంది. టీజర్ మధ్యలో సైలెన్స్, సడెన్గా కనిపించే దెయ్యం విజువల్స్ భయపెట్టేలా ఉన్నాయి. హర్రర్ జోనర్ ఇష్టపడేవారికి థియేటర్స్లో ఈ మూవీ మంచి ఎక్స్పీరియన్స్ ఇవ్వబోతున్నట్లు టీజర్ చూస్తేనే క్లారిటీగా అర్థమవుతోంది. చూడాలి మరి ఏ రకంగా ఆడియెన్స్ని అలరించనుందో ఈ మూవీ.