CNG Car Safety to Avoid Blast: CNG కార్లకు ఇప్పుడు దేశంలో డిమాండ్ వేగంగా పెరుగుతోంది. కొత్త మోడళ్ల రాకతో వినియోగదారులకు ఈ వేరియంట్‌లలో చాలా మంచి కార్లు అందుబాటులోకి వస్తున్నాయి. అలానే పెట్రోల్, డీజిల్ కార్ల కంటే CNG కార్లు చౌకగా లభిస్తాయి. కానీ నేటికీ చాలా మందికి సిఎన్‌జి కార్లను ఎలా ఉపయోగించాలో కూడా తెలియడం లేదు. దీని కారణంగా వారు భారీగా నష్టపోవాల్సి వస్తుంది. ఈ క్రమంలో సిఎ‌న్‌జి కారు ఎలా ఉపయోగించాలి? తీసుకోవాల్సిన జాగ్రత్తలు తదితర వివరాల గురించి తెలుసుకుందాం.

• CNG కారులో స్మోకింగ్ చేయవద్దు. అలా చేయడం చాలా ప్రమాదకరం. స్వల్పంగా లీకేజీ అయినా కూడా కారులో అగ్ని ప్రమాదం పెరుగుతుంది. ఇది మాత్రమే కాదు, ధూమపానం వల్ల కారులో దుర్వాసన వస్తుంది, దీని కారణంగా కారు చెడిపోతుంది.
•  CNG మోడ్‌లో మీ CNG కారును ఎప్పుడూ స్టార్ట్ చేయవద్దు. ఇలా చేయడం వల్ల ఇంజన్‌పై చెడు ప్రభావం పడుతుంది. అందువల్ల కారును ఎల్లప్పుడూ పెట్రోల్ మోడ్‌లో స్టార్ట్ చేయండి. మీ కారులో ఈ ఫీచర్ ఉంటే మీరు డైరెక్ట్ స్టార్ట్ కూడా చేయవచ్చు.

Also Read: మారుతి నుంచి కొత్త డిజైర్.. మైలేజ్ 31కిమీ కంటే ఎక్కువే!

• కారులో CNG నింపే ముందు ఇంజన్‌ను స్విచ్ ఆఫ్ చేయండి. ఎవరైనా కారులో కూర్చున్నప్పటికీ, అతన్ని బయటకు వెళ్లమని చెప్పండి. మీరు ఇలా చేయకపోతే CNG సరిగ్గా ఫిల్ అవదు. అందువల్ల, మీరు కారులో సరైన మొత్తంలో CNG నింపాలనుకుంటే ఈ చిట్కాలను గుర్తుంచుకోండి.
• CNG నింపేటప్పుడు ఫోన్‌లో మాట్లాడకండి. అలా చేయడం ప్రమాదకరం. కాబట్టి మీ ఫోన్‌ని ఆఫ్ చేయండి లేదా ఫ్లైట్ మోడ్‌లో ఉంచండి. ఫ్యూయల్ క్వాంటిటీని సరిగ్గా ఉంచండి. తక్కువ స్థాయి ఇంధనంతో ఎప్పుడూ CNG కారును డ్రైవ్ చేయకండి. అలా చేయడం వల్ల వాల్వ్‌పై ఒత్తిడి ఏర్పడుతుంది. దీనివల్ల ఇంజన్ దెబ్బతింటుంది. అందువల్ల సరైన స్థాయిలో ఇంధనాన్ని కలిగి ఉండటం ముఖ్యం.
• మీరు డ్రైవింగ్ చేస్తున్నప్పుడు మీ CNG కారులో లీకేజీ సమస్య ఎదురైతే, వెంటనే కారును సురక్షిత ప్రదేశానికి తీసుకెళ్లి ఇంజన్‌ను ఆఫ్ చేయండి.

Also Read: Hyundai i40: ఫ్రాంక్స్‌‌కి పోటీగా ఐ40.. రెండిటిలో ఏది బెటర్..?

• CNG కారులో లోకల్ యాక్సెసరీలను ఇన్‌స్టాల్ చేసుకోకండి.ఎందుకంటే ఇది వైరింగ్‌కు సంబంధించిన అంశం, పొరపాటున ఏదైనా కొరత ఏర్పడితే అది భవిష్యత్తులో ప్రమాదకరంగా మారవచ్చు. మీరు ఈ చిన్న విషయాలపై కూడా శ్రద్ధ వహిస్తే మీ CNG కారు బ్రేక్‌డౌన్‌కు గురికాదు. మీరు మైలేజీతో పాటు మంచి పర్ఫామెన్స్ పొందుతారు.

Share

• 
• 
• 
• 
• 
•