Citroen C3 Aircross Plus Discount: ఫ్రెంచ్ కార్ల తయారీ సంస్థ సిట్రోయెన్ తాజాగా ధోనీ ఎడిషన్ సి3 ఎయిర్‌క్రాస్‌ను భారత మార్కెట్‌లో విడుదల చేసిన విషయం తెలిసిందే. దీని ప్రారంభ ఎక్స్-షోరూమ్ ధర రూ.11.82 లక్షలు. C3 ఎయిర్‌క్రాస్ మిడ్-స్పెక్ ప్లస్ వేరియంట్‌పై కంపెనీ ఇప్పుడు రూ.2.62 లక్షల ఫ్లాట్ తగ్గింపును అందిస్తోంది. U Plus, Max వేరియంట్‌లలో లభించే C3 Aircross లిమిటెడ్ యూనిట్లపై మాత్రమే డిస్కౌంట్ అందుబాటులో ఉంటుంది. ఈ కారు ఫీచర్లు, ఆఫర్లు తదితర వివరాలు గురించి ఇప్పుడు తెలుసుకుందాం.

సిట్రోయెన్ C3 ఎయిర్‌క్రాస్ U Plus, Max వేరియంట్‌లలో లభిస్తుంది. ఇప్పుడు C3 Aircross పరిమిత యూనిట్లపై మాత్రమే తగ్గింపు అందుబాటులో ఉంటుంది. ఇంతకుముందు, మిడ్-స్పెక్ ప్లస్ ట్రిమ్ ధర రూ. 11.61 లక్షలు (ఎక్స్-షోరూమ్). డిస్కౌంట్ల తర్వాత, C3 ఎయిర్‌క్రాస్ ప్లస్ వేరియంట్ మార్కెట్లో రూ. 8.99 లక్షలకు (ఎక్స్-షోరూమ్) అందుబాటులో ఉంది.

Also Read: టాటా హారియర్ EV.. మైండ్ బ్లాక్ చేస్తున్న ఫీచర్లు.. వేరే లెవల్ అంతే!

సిట్రోయెన్ C3 Aircross Plus MS ధోని ఎడిషన్ 5, 7-సీటింగ్ కాన్ఫిగరేషన్‌లలో వస్తుంది. ఈ వేరియంట్‌ Android Auto, Apple CarPlayతో కూడిన 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 7-అంగుళాల డిజిటల్ ఇన్‌స్ట్రుమెంట్ క్లస్టర్, myCitroen Connect యాప్, వెనుక డీఫాగర్, రిమోట్ కీలెస్ ఎంట్రీతో వస్తుంది.

కంపెనీ తన బ్రాండ్ అంబాసిడర్, భారత క్రికెటర్ మహేంద్ర సింగ్ ధోని పేరు మీద C3 ఎయిర్‌క్రాస్ ధోనీ ఎడిషన్‌ను పరిచయం చేసింది. ఈ ఎడిషన్‌లో కేవలం 100 యూనిట్లు మాత్రమే భారత మార్కెట్‌లో అందుబాటులో ఉంటాయని కంపెనీ తెలిపింది. SUVలోని సేఫ్టీ సూట్‌లో EBDతో కూడిన ABS, రివర్స్ పార్కింగ్ సెన్సార్లు, రియర్‌వ్యూ కెమెరా, హిల్ హోల్డ్ అసిస్ట్, టైర్ ప్రెజర్ మానిటరింగ్ సిస్టమ్, ESP, హై-స్పీడ్ అలర్ట్ సిస్టమ్ ఉన్నాయి.

Citroen C3 Aircross SUV డ్రైవర్, ఫ్రంట్ సీట్ ప్యాసింజర్ రెండింటికీ డ్యూయల్ ఎయిర్‌బ్యాగ్‌లు ఉన్నాయి.  1.2-లీటర్ మూడు-సిలిండర్ పెట్రోల్ ఇంజన్‌ను కలిగి ఉంది. ఇది గరిష్టంగా 108 bhp పవర్, 205 Nm పీక్ టార్క్‌ను రిలీజ్ చేస్తుంది. ట్రాన్స్‌మిషన్ ఆప్షన్స్‌లో 6-స్పీడ్ మాన్యువల్, 6-స్పీడ్ ఆటోమేటిక్ ట్రాన్స్‌మిషన్ ఉన్నాయి.

Also Read: ఈ కారుకు ఊహించని డిమాండ్.. ఎగుమతుల్లో ఫుల్ జోష్.. ఎందుకో తెలుసా!

ధోనీ ఎడిషన్ C3 ఎయిర్‌క్రాస్‌ కొత్త ఎడిషన్‌లో ధోని బ్రాండింగ్, ఫ్రంట్ డాష్‌క్యామ్, కుషన్ పిల్లోస్, ఇల్యూమినేటెడ్ సిల్ ప్లేట్, ధోని డికాల్స్‌తో కూడిన సీట్ బెల్ట్ కుషన్‌‌లు ఉంటాయి. అదనంగా కొనుగోలుదారు గ్లోవ్ బాక్స్ లోపల కొన్ని వస్తువులను ఉచితంగా పొందుతారు. అయితే కొందరికి క్రికెటర్ ధోనీ స్వయంగా సంతకం చేసిన క్రికెట్ గ్లోవ్‌లను అందుకుంటారు. ఇది ప్లస్ వేరియంట్ మాన్యువల్ వెర్షన్‌తో అందుబాటులో ఉంది.

Share

• 
• 
• 
• 
• 
•