Marigold flowers : పువ్వుల్లో కాస్త భిన్నంగా కనిపించే పువ్వు బంతి . మల్లెపువ్వు, మందార పుష్పం, విరజాజులు, చామంతి ఇలాంటివన్నీ పూజలో వినియోగిస్తుంటాం. మరి బంతి పువ్వు ఏ పాపం చేసింది….? ముద్ద బంతి పువ్వులను ప్రధాన ద్వార ముందు, అందంగా అలకరించడానికే వినియోగిస్తుంటాం. విగ్రహారాధనకు వాడటం లేదు. బంతి పువ్వు భారీగా ఉంటుంది. ఇంట్లో ఉంటే విగ్రహం బొటన వేలుకు మించకూడదు. అలాంటి విగ్రహం మీద బంతి పువ్వు పెడితే విగ్రహం పడిపోతుంది. అలాగే పడిపోతే మనలో సందేహాలు మొదలవుతాయి. విగ్రహం ఎందుకు పడిపోయిందన్న అనుమానాలు వస్తాయి. భగవంతుడ్ని భయ పెట్టే విధంగా పూజలు చేయకూడదు కనుక వేదికను, గుమ్మాలను అలంకరించడానికి మాత్రమే బంతి పూలను వాడుకోవాలనేది ప్రమాణం. ఏయే పూలతో ఏయే దేవుడ్ని ఆరాధించాలనే విషయాలు గ్రంధాల్లో చెప్పారు. పూర్వ అగ్నిహోత్రుడ్ని అర్చించే క్రమంలో అశ్వనీదేవతలు అనేక పుష్పాలతో పూజిస్తూ ఉండగా…. బంతిపువ్వులు కూడా ఉంచారు. బంతి పువ్వులను వినియోగించడం వల్ల అగ్నిహోత్రుడు కాసేపు శాంతించాల్సి వచ్చింది. దాంతో అగ్రహించిన అగ్నిహోత్రుడు కోపంతో బంతి పూలను పూజలకు పునస్కారాలకు వాడకూడదని శపించాడట. అందుకే దేవతరాధనలో ఎక్కడా బంతి పూల వినియోగం ఉండదు.

Share

• 
• 
• 
• 
• 
•