Sharmila Arrest : ప్రగతి భవన్ ముట్టడికి వెళ్తున్న వైఎస్ఆర్టీపీ అధ్యక్షురాలు షర్మిలను మార్గమధ్యలో పోలీసులు అడ్డుకొని అరెస్ట్ చేశారు. సోమవారం పాదయాత్ర సమయంలో టీఆర్ఎస్ నేతల దాడికి నిరసనగా షర్మిల ప్రగతి భవన్ ముట్టడికి బయలుదేరారు. టీఆర్ఎస్ నేతల దాడిలో ధ్వంసమైన కారును షర్మిలే స్వయంగా డ్రైవ్ చేసుకుంటూ సీఎం క్యాంప్ ఆఫీస్కు బయలుదేరారు. రాజ్ భవన్ రోడ్డులో పోలీసులు షర్మిలను అడ్డుకొని అరెస్ట్ చేశారు.
కారును పోలీసులు బలవంతంగా ఆపి ప్రవర్థించిన తీరుపై షర్మిల మండిపడ్డారు. టీఆర్ఎస్ నేతల దాడిలో ధ్వంసమైన కారును కేసీఆర్కు చూపించడానికి వెళ్తుంటే అడ్డుకుంటారా అని ప్రశ్నించారు. కారు డోరును లొపలే లాక్ చేసి ఉండడంతో.. శర్మిల కారును అలాగే క్రేన్పై ఎక్కించి ఎస్ ఆర్ నగర్ పోలీస్ స్టేషన్కు తరలించారు. మార్గ మధ్యలో రాజ్భవన్ పంజాగుట్ట రోడ్డులో ఉద్రిక్త పరిస్థితి నెలకొంది.