Viral Video: ఆకు కూరలను ఎక్కువ కాలం నిల్వ చేయలేము. త్వరగా అవి పాడైపోతాయి. అంతే కాకుండా ఆకులు ఎండిపోయి గోదుమ రంగులోకి కూడా మారతాయి. అందుకే చాలా మంది ఆకు కూరలతో పాటు కరివేపాకు, కొత్తిమీర, పూదీన వంటి వాటిని ఫ్రిజ్‌లో నిల్వ ఉంచుతారు. అయినప్పటికీ వాటిని కొద్ది రోజులు మాత్రమే పాడవకుండా ఉంచగలుగుతాము. ఎక్కువ కాలం ఫ్రిజ్‌లో పెట్టినా కూడా పాడైపోతాయి. కానీ సోషల్ మీడియాలో కరివేపాకు ఎక్కువకాలం తాజాగా ఉంచేందుకు ఉపయోగపడే చిట్కాకు సంబంధించిన ఓ వీడియో ప్రస్తుతం వైరల్ అవుతోంది.

ఓ ఇన్‌స్టా యూజర్ హోం రెమిడీకి సంబంధించిన వీడియోను పోస్ట్ చేశారు. ఈ వీడియోలో మొదట కరివేపాకు కాండం నుంచి వేరుచేసి ఆకులను కడిగిన తర్వాత ఖాళీ ఐస్ ట్రే క్యూబ్‌లలో కొన్ని కరివేపాకులను ఉంచారు. ఆ తర్వాత క్యూబ్‌లలో నీటిని నింపారు. అనంతరం నీటిపై తేలుతున్న ఆకులను మునిగేలా చేశారు. తర్వాత ట్రేను ఫ్రిజ్‌లో పెట్టారు. కరిపేపాకుతో నిండిన నీరు ఐస్ క్యూబ్ లాగా మారిన తర్వాత వాటిని జిప్ లాక్ ఉన్న బ్యాగ్‌లో ఉంచారు. అవసరం ఉన్నప్పుడు ఈ క్యూబ్స్‌ను గోరువెచ్చటి నీటిలో వేస్తే తాజా కరివేపాకు రెడీ.

ఈ చిట్కా ఫాలో అవ్వడం వల్ల కరివేపాకు తాజాగా ఉంటుందని ఇన్ స్టా యూజర్ తెలిపారు. అయితే ఈ వీడియో ప్రస్తుతం తెగ వైరల్ అవుతోంది. నగరాలు, విదేశాల్లో ఉండే వారికి ఈ చిట్కా చాలా ఉపయోగపడుతుందంటూ నెటిజన్లు కామెంట్లు చేస్తున్నారు.

Also Read: రన్నింగ్ ట్రైన్‌పై ఊహించని సీన్.. చూసి షాక్ అవుతున్న నెటిజన్లు

ఈ టిప్ మీ వంటింట్లో తరుచుగా ఉపయోగించే కరివేపాకు తాజాగా ఉంచడంలో ఉపయోగపడుతుంది. ఈ వీడియో ప్రస్తుతం తెగ వైరల్ అవుతోంది. చాలా మంది ఈ ఐడియాను మెచ్చుకుంటున్నారు. ఇతర దేశాల్లో ఉండే వారికి తాజా కరివేపాకు దొరకడం కష్టం. అలాంటి వారికి ఈ చిట్కా ఎంతగానో ఉపయోగపడుతుందని నెటిజన్లు కామెంట్లు చేస్తున్నారు.

Share

• 
• 
• 
• 
• 
•