Jio Network Problem : జియో నెట్వర్క్లో సాంకేతిక సమస్య తలెత్తడంతో యూజర్లు తీవ్ర ఇబ్బందులను ఎదుర్కొన్నారు. ఔట్గోయింగ్ కాల్స్ చేసుకోలేని పరిస్థితి ఏర్పడింది. ఉదయం నుంచి జియో ద్వారా ఔట్గోయింగ్ కాల్స్ చేసుకోలేక పోతున్నామని యూజర్లు రిలాయన్స్, జియోను ట్యాగ్ చేస్తూ ట్వీట్స్ చేస్తున్నారు. అయితే నెట్వర్క్ సమస్యలను ఎప్పటికప్పుడు అంచనా వేసే ప్రముఖ డౌన్డిటెక్టర్ సంస్థ ఈ సమస్యపై స్పందించింది.
మెట్రో నగరాల్లోనే ప్రధానంగా ఈ సమస్య తలెత్తిందని డౌన్డిటెక్టర్ సంస్థ పేర్కొంది. హైదరాబాద్, ఢిల్లీ, కోల్కతా, ముంబై, బెంగళూరు, చెన్నై, అహ్మదాబాద్, నాగ్పూర్లో ఈ సమస్య ప్రధానంగా ఉందని డౌన్డిటెక్టర్ తెలిపింది. ఊహించినంత ఎక్కువ నెట్వర్క్ సమస్యలేదని.. ఇప్పటి వరకు కేవలం 600 ఫిర్యాదులు మాత్రమే వచ్చాయని స్పష్టం చేసింది.