Nirjala Ekadashi 2024: హిందూమతంలో ఏకాదశి ఉపవాసం చాలా ముఖ్యమైనది. మత విశ్వాసాల ప్రకారం, శ్రీ మహా విష్ణువు ఏకాదశి ఉపవాసం పాటించే వారి అన్ని కష్టాలను తొలగిస్తాడని నమ్ముతారు. జ్యేష్ఠ మాసంలోని శుక్ల పక్షంలోని ఏకాదశి తిథిలో నిర్జల ఏకాదశి ఉపవాసం పాటిస్తారు. అయితే ఈ నిర్జల ఏకాదశి ఉపవాసం చాలా కష్టమైన ఉపవాసం. ఎందుకంటే ఈ ఉపవాసం పాటించే రోజు కనీసం నీరు కూడా తీసుకోకుండా భక్తి, శ్రద్ధలతో పాటించాల్సి ఉంటుంది. అయితే నిర్జల ఏకాదశి తేదీ విషయంలో కొంతమందిలో సందేహం ఉంది. అసలు నిర్జల ఏకాదశి ఎప్పుడు, ఉపవాసం మంచి గడియల గురించి తెలుసుకుందాం.
నిర్జల ఏకాదశి ఎప్పుడు
జ్యేష్ఠ శుక్ల పక్ష ఏకాదశి తేదీ జూన్ 17వ తేదీ తెల్లవారుజామున 4:45 గంటలకు ప్రారంభమవుతుంది. జూన్ 18వ తేదీ ఉదయం 6:24 గంటలకు ఉంటుంది. పూజ, ఉపవాసం మొదలైన తేదీలను నిర్ణయించడానికి ఉదయ తిథిపై ప్రత్యేక శ్రద్ధ వహిస్తారు. అటువంటి పరిస్థితిలో, నిర్జల ఏకాదశి వ్రతం మంగళవారం జూన్ 18న పాటించాల్సి ఉంది. జూన్ 19 ఉదయం 5:21 నుండి 7:29 వరకు ఉపవాసం విరమిస్తారు.
శుభ సమయం
ఏకాదశి రోజున శివ, సిద్ధ, త్రిపుష్కర యోగాలు ఏర్పడుతున్నాయి. అంతేకాకుండా ఈ ప్రత్యేకమైన రోజున స్వాతి నక్షత్రం కూడా ఏర్పడుతోంది. రాత్రి 9:39 వరకు శివయోగం ఉంటుంది. ఆ తర్వాత సిద్ధయోగం ప్రారంభమవుతుంది. త్రిపుష్కర యోగం జూన్ 19 మధ్యాహ్నం 03:55 నుండి ఉదయం 05:20 వరకు ఉంటుంది. ఈ రోజున స్వాతి నక్షత్రం మధ్యాహ్నం 3:55 వరకు ఉంటుంది.
నిర్జల ఏకాదశి విశిష్టత
నిర్జల ఏకాదశి ఉపవాసం కష్టతరమైన ఉపవాసం. ఈ రోజున, 24 గంటల పాటు ఆహారం, నీరు తీసుకోకుండా ఈ ఉపవాసం ఆచరిస్తారు. మత విశ్వాసాల ప్రకారం, నిర్జల ఏకాదశి ఉపవాసాన్ని విజయవంతంగా ఆచరించిన వ్యక్తి మొత్తం 24 ఏకాదశి ఉపవాసాల ఫలితాలను పొందుతాడు. అలాగే, ఈ ప్రత్యేకమైన రోజున శ్రీమహావిష్ణువు, తల్లి లక్ష్మిని ఆరాధించడం వలన జీవితంలో సుఖసంతోషాలు, శ్రేయస్సు, అన్ని రకాల కష్టాలు తొలగిపోతాయి.