Nani Saripodhaa Sanivaaram First Single: నాచురల్ స్టార్ నాని గతేడాది బ్లాక్ బస్టర్ సినిమాలను అందుకుని ఫుల్ జోష్లో ఉన్నాడు. ‘దసరా’, ‘హాయ్ నాన్న’ సినిమాలతో సూపర్ హిట్లు అందుకున్నాడు. అదే జోష్లో మరికొన్ని సినిమాలను లైన్లో పెట్టేశాడు. అందులో ‘సరిపోదా శనివారం’ మూవీ ఒకటి. వివేక్ ఆత్రేయ దర్శకత్వంలో తెరకెక్కుతోన్న ఈ మూవీ షూటింగ్ ప్రస్తుతం శరవేగంగా జరుగుతోంది. ఇందులో నానికి జోడీగా ప్రియాంక మోహన్ హీరోయిన్గా నటిస్తోంది.
అలాగే ఇందులో కోలీవుడ్ స్టార్ నటుడు, డైరెక్టర్ ఎస్ జే సూర్య కీలక పాత్ర పోషిస్తున్నాడు. ఇకపోతే ఇప్పటికే ఈ మూవీ నుంచి విడుదలైన పోస్టర్లు, గ్లింప్స్ సినీ ప్రియుల్లో ఫుల్ హైప్ క్రియేట్ చేశాయి. ముఖ్యంగా గ్లింప్స్లో నాని మాస్ అండ్ రగ్గడ్ లుక్ అందరినీ సర్ప్రైజ్ చేసింది. అంతేకాకుండా యాక్షన్ సీన్లు కూడా భారీ స్థాయిలో ఉన్నట్లు గ్లింప్స్ చూస్తే అర్థం అవుతోంది.
Also Read: హ్యాపీ బర్త్ డే బ్రదర్.. సరిపోదా శనివారం గ్లింప్స్ అదిరిపోయింది
ఈ గ్లింప్స్కు యూట్యూబ్లో సూపర్ డూపర్ రెస్పాన్స్ వచ్చింది. దీంతో సినీ ప్రియులు ఈ మూవీ నుంచి మరికొన్ని అప్డేట్ల కోసం ఎదురుచూస్తున్నారు. ఈ నేపథ్యంలో మేకర్స్ తాజాగా అదిరిపోయే ట్రీట్ అందించారు. ఇందులో భాగంగా ఈ మూవీలోని ఫస్ట్ లిరికల్ సాంగ్ను రిలీజ్ చేశారు. ‘గరం గరం’ అంటూ సాగే ఈ సాంగ్ అద్భుతంగా ఉంది. ఈ సాంగ్లో నాని యాక్షన్ సీన్లు అభిమానుల్ని బాగా ఆకట్టుకున్నాయి. ప్రస్తుతం ఈ సాంగ్ యూట్యూబ్లో బాగా ట్రెండ్ అవుతోంది.
కాగా ఈ మూవీలో నాని ‘సూర్య’ అనే పాత్రలో కనిపించనున్నాడు. అంతేకాకుండా ఈ మూవీ టైటిల్కు అర్థం ఏంటంటే.. వారమంతా సహనంగా ఉండి ఒక్క శనివారం మాత్రమే తన కోపాన్ని చూపించే ఒక డిఫిరెంట్ క్యారెక్టర్. ఇందులో నాని పాత్ర చాలా పవర్ఫుల్గా ఉండబోతుందని తెలుస్తోంది. మరో రెండు నెలల్లో ఈ మూవీ ప్రేక్షకుల ముందుకు రాబోతుంది.