జ్ఞానసాగర్‌ కథను చెప్పేందుకు తొలిసారి కలిసినప్పుడు ఏదైనా లవ్ స్టోరీ చెబుతాడని అనుకున్నా. అయితే ఈ స్టోరీ చెప్పగానే షాక్‌కు గురయ్యా. ఇలాంటి పీరియాడిక్ యాక్షన్ స్టోరీ వినగానే చేయాలని అనుకున్నానని సుధీర్ బాబు వెల్లడించారు. ఈ స్టోరీ 1980లో అప్పటి కుప్పం నేపథ్యంలో సాగుతోంది. డైరెక్టర్ చాలా ఆలోచించి తీశాడు. అప్పటి వాస్తవ సంఘటనల ఆధారంగా తీసుకొని స్టోరీ సిద్ధం చేసుకున్నాడు. సినిమాను రియాల్టీగా తెరకెక్కించాడు. ఈ సినిమా ట్రైలర్ చూసి మహేశ్ బాబు చాలా బాగుందని చెప్పినట్లు చెప్పాడు.

నేను నటించిన సినిమాల్లో కొన్ని తప్పులు జరిగాయి. అయితే ఈ సినిమాలో గతంలో జరిగిన తప్పులు లేకుండా సరిచేసుకున్నాం. ఈ సినిమాలో నా పాత్రకు మ్యానరిజం ఉంటుంది. ముఖ్యంగా కుప్పం ప్రాంతం సంభాషణ ఆకట్టుకుంటుంది. తెలుగులో మొదటి పది చిత్రాల్లో ‘హరోం హర’ ఉంటుంది. యాక్షన్ తో పాటు ఎమోషనల్ ఉన్న సినిమా అని చెప్పుకొచ్చారు. ఈ సినిమాకు సీక్వెల్ ఉండే అవకాశం ఉందని, ఫలితం ఆధారంగా సీక్వెల్ విషయాన్ని ప్రకటిస్తామన్నారు.

Also Read: సన్నాఫ్ సత్యమూర్తిలో బన్నీతో పాటు యాక్టింగ్ అదరగొట్టిన ఈ చిన్నారి ఇప్పుడెలా ఉందో చూసారా.. ?

విభిన్న కథల్లో నటించాలని కోరుకుంటానని, అందుకే కొన్ని సక్సెస్ అవుతుంటే.. మరికొన్ని ఫ్లాప్ అవుతున్నాయని సుధీర్ బాబు చెప్పారు. అయితే నా సినిమాలు విజయం సాధించనప్పటీకీ నటుడిగా ఫెయిల్ కాలేదనే అనుకుంటున్నానన్నారు. ఎప్పుడూ నటుడిగా నన్ను నేను నిరూపించుకోవాలని అనుకుంటానని చెప్పారు. అయితే ఇటీవల కొత్త సీఎం చంద్రబాబును కలిసి విషెస్ చెప్పానని, కుప్పం నేపథ్యంలో సినిమా చేశానని ఆయన దృష్టికి తీసుకెళ్లానని అన్నారు. ఇందులో ‘ఇంక సెప్పెదేమ్ లేద.. సేసేదే’ అనే డైలాగ్ చెప్పగానే నవ్వేశారన్నారు. ఇక ప్రస్తుతం ‘మా నాన్న  సూపర్ హీరో’తో నటిస్తున్నానని, మరో రెండు సినిమాలకు ఓకే చేశానని వెల్లడించారు.