Somwar Ke Upay: సోమవారం శివుని ఆరాధనకు చాలా ముఖ్యమైన రోజు. మత విశ్వాసాల ప్రకారం, సోమవారం నాడు శివుడు, పార్వతిని పూజించి, వ్రతాన్ని ఆచరిస్తే జీవితంలో అన్ని రకాల సమస్యల నుండి విముక్తి పొంది ఆనందం, శ్రేయస్సు పొందుతారు. ఈ తరుణంలో సోమవారానికి సంబంధించిన కొన్ని ప్రత్యేక పరిహారాల గురించి జ్యోతిష్యంలో వివరించబడి ఉంది. వీటిని అనుసరిస్తే అనేక రకాల సమస్యలు, దోషాలు తొలగిపోతాయి. మరి సోమవారం పాటించే నివారణోపాయాలు ఏంటో ఇప్పుడు తెలుసుకుందాం.
ఈ మూడు చర్యలు పాటించండి..
జాతకంలో అశుభ గ్రహాల వల్ల తలెత్తే సమస్యలు పోగొట్టుకోవడానికి సోమవారం నాడు స్నానమాచరించి, ధ్యానం చేసి, వ్రతంలో శివుడిని పూజించి, ఆలయానికి వెళ్లి గంగాజలం, నల్ల నువ్వులతో శివలింగానికి అభిషేకం చేయాలి. ఇలా చేయడం వల్ల అనేక రకాల గ్రహ దోషాలు తొలగిపోయి జీవితంలో సుఖ సంతోషాలు, ఐశ్వర్యం కలుగుతాయి.
సోమవారం మానసిక ఒత్తిడిని తొలగించుకోవడానికి స్నానం, ధ్యానం తర్వాత ఆచారాల ప్రకారం శివుడిని, తల్లి పార్వతిని పూజించండి. అలాగే శివునికి పచ్చి పాలతో అభిషేకం చేయండి. ఇలా చేయడం వల్ల జాతకంలో చంద్రుని స్థానం అనుకూలంగా మారి మనస్సు ఆనందంగా ఉంటుంది.
Also Read: Bada Mangal 2024: జ్యేష్ఠ మాసంలో రెండవ పెద్ద మంగళవారం.. హనుమంతుడిని ఇలా పూజిస్తే అన్నీ శుభాలే..
జాతకంలో శని కారణంగా సమస్యలు ఉన్నవారు సోమవారం నాడు మహా మృత్యుంజయ మంత్రాన్ని పఠిస్తూ శివునికి అభిషేకం చేయాలి. ఇలా చేయడం వల్ల అనేక దుష్ట గ్రహాల దుష్ఫలితాలు తొలగిపోయి సుఖ సంతోషాలు లభిస్తాయని నమ్ముతారు.
జాతకంలో శుక్రుడు బలహీనంగా ఉన్న వ్యక్తి సోమవారం నాడు శివుని పూజించేటప్పుడు గంగా జలంలో తేనె, సువాసన కలిపి మహాదేవునికి అభిషేకం చేయాలని శాస్త్రంలో చెప్పబడింది. ఇలా చేయడం వల్ల శుక్రుడు బలపడతాడు. జీవితంలో ఆనందం, శ్రేయస్సు పెరుగుతుంది.