Cumin And Jaggery Water: ఉదయాన్నే పరిగడుపున నిమ్మరసం, తేనె కలిపిన నీళ్లు, మెంతుల నీళ్లు, జీలకర్ర నీటిని తాగడం వల్ల ఆరోగ్యానికి చాలా ప్రయోజనాలు ఉంటాయని నిపుణులు చెబుతుంటారు. ముఖ్యంగా జీలకర్ర నీటిని తాగడం వల్ల బరువు తగ్గుతారని, జీర్ణ వ్యవస్థకు సంబంధించిన అనేక రకాల సమస్యలు కూడా తొలగిపోతాయని చెబుతారు. అయితే చాలా మందికి కేవలం జీలకర్ర నీటిని మాత్రమే అలవాటుగా ఉంటుంది. కానీ జీలకర్ర నీటిలో బెల్లంతో కలిపి తాగడం వల్ల అద్భుతమన ఆరోగ్య ప్రయోజనాలు ఉంటాయని నిపుణులు సూచిస్తున్నారు. ఈ నీటిని తాగడం వల్ల రక్తహీనత వంటి అనేక సమస్యల నుంచి బయటపడే అవకాశాలు ఉంటాయి. ఈ నీటిలో ఐరన్, కాల్షియం, ఫైబర్, విటమిన్లు, పోషకాలు వంటివి శరీరానికి పుష్కలంగా అందుతాయి.
జీలకర్ర నీటిని తరచూ తాగడం వల్ల జీర్ణక్రియ, మలబద్ధకం వంటి అనేక రకాల కడుపు సంబంధింత సమస్యలను నివారించుకోవచ్చు. అంతేకాదు జీలకర్ర బెల్లం నీటిలో ఉండే ఫైబర్ జీర్ణక్రియ వ్యవస్థకు అద్భుతంగా పనిచేస్తుంది. ముఖ్యంగా నడుము నొప్పి వంటి సమస్యలతో బాధపడేవారికి జీలకర్ర, బెల్లం తీసుకుంటే మంచి ప్రయోజనాలు ఉంటాయి. ఇందులోని పోషకాలు నడుము నొప్పి నివారణకు అద్భుతంగా తోడ్పడతాయి. ముఖ్యంగా వెన్నునొప్పి, తుంటి వంటి నొప్పులతో బాధపడుతున్న వారికి శాశ్వతంగా ఉపశమనం కలిగిస్తుంది. బెల్లం, జీలకర్ర నీటిని తాగడం వల్ల రక్తంలోని మలినాలు తొలగిపోయి, బ్లడ్ ప్యూరిఫయర్ గా పనిచేస్తుంది.
పీరియడ్స్ సమయంలో కడుపు నొప్పితో బాధపడేవారికి ఆడవారికి ఈ నీరు చక్కటి ఔషధం అనే చెప్పాలి. విపరీతమైన నడుము, కడుపు నొప్పి ఉన్నవారు రోజుకి ఒక గ్లాసు ఈ నీటిని తీసుకోవడం వల్ల చక్కటి పరిష్కారం ఉంటుంది. తలనొప్పి వంటి సమస్య ఉన్నా కూడా త్వరగా ఉపశమనం కలుగుతుంది. అందువల్ల తరచూ ఉదయం బెల్లం, జీలకర్ర నీటిని తీసుకోవడం అన్ని అనారోగ్య సమస్యలకు మంచిదని నిపుణులు చెబుతున్నారు.