Royal Enfield Sales May 2024 Sales Deopped: యూత్ని బాగా అట్రాక్ట్ చేసే బైక్లలో ముందు వరుసలో ఉంటుంది రాయల్ ఎన్ఫీల్డ్. ఆ సౌండ్కే సగం మంది మంత్రముగ్దులవుతారు. ఎన్ఫీల్డ్పై కూర్చుంటే ఆ కిక్కే వేరబ్బా అని ఫీలవుతుంటారు. అలాంటి రాయల్ ఎన్ఫీల్డ్ మోటార్ సైకిళ్లకు భారతీయ కస్టమర్ల నుంచి మంచి ఆదరణ లభిస్తుంది. అయితే మరి ఇంతటి ఆదరణ లభిస్తున్న ఎన్ఫీల్డ్ బైక్లకు గత నెలలో కోలుకోలేని దెబ్బ తగిలింది. మే 2024లో కంపెనీ అమ్మకాలలో గణనీయమైన క్షీణతను చవిచూసింది.
తాజా విక్రయాల నివేదిక ప్రకారం.. రాయల్ ఎన్ఫీల్డ్ మే 2024లో 71,010 యూనిట్లను విక్రయించింది. అయితే మే 2023లో విక్రయించిన 77,461 యూనిట్ల కంటే 8 శాతం క్షీణత నమోదైంది. అదే సమయంలో ఎగుమతులు పెరిగినప్పటికీ కంపెనీ దేశీయ విక్రయాలు తగ్గుముఖం పట్టాయి. అయితే అమ్మకాలు తగ్గినప్పటికీ.. మే 2024లో భారతదేశంలోని అగ్ర ద్విచక్ర వాహన కంపెనీలలో రాయల్ ఎన్ఫీల్డ్ ఆరవ స్థానాన్ని సంపాదించి అదరగొట్టింది. మొదటి ఐదు స్థానాలను హీరో మోటోకార్ప్, హోండా, TVS, బజాజ్, సుజుకీ కలిగి ఉన్నాయి.
అమ్మకాల పరిమాణంలో రాయల్ ఎన్ఫీల్డ్ ఈ కంపెనీలను అనుసరిస్తుంది. ప్రస్తుతం రాయల్ ఎన్ఫీల్డ్ క్లాసిక్ 350, బుల్లెట్ 350, హంటర్ 350, మెటోర్ 350, సూపర్ మెటోర్ 650, షాట్గన్ 650, ఇంటర్సెప్టర్ 650, కాంటినెంటల్ జిటి 650, హిమాలయన్, స్క్రామ్ 411 వంటి మోడళ్ల శ్రేణిని అందిస్తోంది. అయితే ఈ కంపెనీ నుంచి త్వరలో గెరిల్లా 450 బైక్ మార్కెట్లోకి రానుంది. గెరిల్లా 450 సెప్టెంబరు 2024లోపు భారత మార్కెట్లోకి వస్తుందని భావిస్తున్నారు. ఈ బైక్ ప్రస్తుతం భారతీయ రోడ్లపై టెస్ట్ రన్లో ఉంది. దీనికి సంబంధించిన ఫొటోలు కూడా లీక్ అయి సోషల్ మీడియాలో బాగా వైరల్గా మారాయి
Also Read: రాయల్ ఎన్ఫీల్డ్ గెరిల్లా 450.. ధర, లాంచ్ వివరాలివే!
ఈ మోడల్ 452 cc లిక్విడ్-కూల్డ్ సింగిల్-సిలిండర్ DOHC ఇంజిన్ను కలిగి ఉంటుందని అంచనా వేయబడింది. ఈ ఇంజన్ 8,000 rpm వద్ద గరిష్టంగా 40 PS శక్తిని, 5,500 rpm వద్ద 40 Nm టార్క్ను ఉత్పత్తి చేయగలదు. ఈ బైక్ ఆరు-స్పీడ్ గేర్బాక్స్తో వస్తుందని నివేదికలు సూచిస్తున్నాయి. గెరిల్లా 450 భారతీయ కస్టమర్లలో గణనీయమైన ఆసక్తిని సృష్టించింది. గెరిల్లా 450 లాంచ్ తరువాత.. రాయల్ ఎన్ఫీల్డ్ అనేక ఇతర మోడళ్లను భారతీయ మార్కెట్లోకి ప్రవేశపెట్టాలని యోచిస్తోంది.