MG Comet EV Price Hiked: MG మోటార్స్ దేశంలోనే అత్యంత చౌకైన ఎలక్ట్రిక్ కారు కామెట్ EVని అందిస్తోంది. అయితే తాజాగా కంపెనీ కారు ధరను రూ.13,000 పెంచింది. కామెట్ EV మొత్తం 5 వేరియంట్‌లు మార్కెట్‌లో అందుబాటులో ఉన్నాయి. కంపెనీ తన బేస్ వేరియంట్ ధరలను పెంచలేదు, కానీ మిడ్, టాప్ వేరియంట్ ధరలను పెంచింది. కాబట్టి మీరు కూడా ఈ ఎలక్ట్రిక్ కారును కొనుగోలు చేయాలని భావిస్తుంటే దాని కొత్త ధరల గురించి తెలుసుకోవాలి.

MG Comet EV ఎగ్జిక్యూటివ్ వేరియంట్ ప్రారంభ ధర రూ. 6,98,800లగా ఉంది. ఎక్సైట్ ట్రిమ్ ధర రూ. 7,98,000. Excite FC వేరియంట్ పాత ధర రూ. 8,33,800 కాగా ఇప్పుడు రూ.8,44,800కి పెరిగింది. అంటే రూ.11,000 పెరిగింది. ఎక్స్‌క్లూజివ్ వేరియంట్ పాత ధర రూ. 8,88,000 కాగా ఇప్పుడు రూ.8,99,800కి పెరిగింది. అంటే రూ.11,800 పెరిగింది. ఎక్స్‌క్లూజివ్ ఎఫ్‌సి వేరియంట్ పాత ధర రూ.9,23,800 కాగా, ఇప్పుడు రూ.9,36,800కి పెరిగింది. అంటే రూ.13,000 పెరిగింది.

MG Comet EV Specifications
ఈ ఎలక్ట్రిక్ కారు పొడవు 2974mm, వెడల్పు 1505mm, ఎత్తు 1640mm. దీని వీల్ బేస్ 2010mm. ఇది క్లోజ్డ్ ఫ్రంట్ గ్రిల్, ఫుల్-విడ్త్ LED స్ట్రిప్, సొగసైన హెడ్‌ల్యాంప్ కలిగి ఉంది. ఇందులో పెద్ద డోర్లు, స్పోర్టీ అల్లాయ్ వీల్స్, ఫ్లాట్ రియర్ సెక్షన్ ఉన్నాయి. ఇందులో 10.25-అంగుళాల స్క్రీన్, టచ్‌స్క్రీన్ ఇన్ఫోటైన్‌మెంట్ సిస్టమ్, డిజిటల్ క్లస్టర్ ఉన్నాయి. ఇది టర్న్-బై-టర్న్ నావిగేషన్, వాతావరణ సమాచారం, రియల్ టైమ్, ట్రాఫిక్ అప్‌డేట్‌ల వివరాలను అందిస్తుంది.

Also Read: ఈ మూడు ఎలక్ట్రిక్ కార్లకు తిరుగులేదు.. చెప్తున్నా కళ్లు మూసుకొని కోనేయోచ్చు!

MG Comet EV 42 PS పవర్ అవుట్‌పుట్, 110 Nm టార్క్‌తో 17.3 kWh బ్యాటరీ ప్యాక్‌ కలిగి ఉంటుంది. 3.3 kW ఛార్జర్  10 నుండి 80 శాతం వరకు 5 గంటలు, 0 నుండి 100 శాతం వరకు 7 గంటలు ఛార్జ్ అవుతుంది. ఈ ఎలక్ట్రిక్ కారు ఒక్కసారి ఛార్జ్ చేస్తే 230 కిలోమీటర్ల రేంజ్‌ను అందిస్తుంది. అర్బన్ ప్రయాణ అవసరాలను దృష్టిలో ఉంచుకుని దీనిని ప్రత్యేకంగా రూపొందించారు. దీని టైర్ సైజు 145/70తో 12-అంగుళాల వీల్స్ కలిగి ఉంది. మీరు ఫ్రంట్ డిస్క్ బ్రేక్‌లను చూస్తారు. బ్యాక్ సైడ్ డ్రమ్ బ్రేక్‌లు అందుబాటులో ఉన్నాయి.

Share

• 
• 
• 
• 
• 
•