Shani Jayanti 2024: నేడు కర్మ ఫలితాలను బట్టి అందరికీ ఫలాలను ఇచ్చే శనిదేవుడి జయంతిని జరుపుకుంటారు. జ్యేష్టమాసంలోని అమావాస్య రోజున ప్రతీ ఏడాది శనిదేవుడి జయంతిని జరుపుకుంటారని శాస్త్రం చెబుతుంది. ఎవరైతే శని దేవుడి ఆగ్రహంతో ఇబ్బందులు ఎదుర్కునే వారు ఉంటారో వారికి ఈరోజు చాలా ప్రత్యేకమైనది. నేడు శనిదేవుడికి చేసే పూజల కారణంగా శని దోషం తొలగిపోయి, శని దేవుడు వారిని అనుగ్రహిస్తాడని భక్తులు నమ్ముతారు. అయితే శని జయంతి రోజున శని దేవుడికి చేయాల్సిన పూజలు ఏంటో ఇప్పుడు తెలుసుకుందాం.
శని దేవుడిని పూజించే క్రమంలో భక్తి, శ్రద్ధలతో సరైన నియమాలు పాటించాలి. ఉదయాన్నే తలంటూ స్నానం చేసి శనిదేవుడి ఆలయానికి వెళ్లి దర్శనం చేసుకోవాలి. అనంతరం శని దేవుడికి ప్రత్యేక పూజలు నిర్వహించాలి. ఈ తరుణంలో శని దేవుడికి ఇష్టమైన నువ్వుల నూనెతో అభిషేకం చేయాలి. నువ్వులనూనెను సమర్పించిన అనంతరం నల్లగుడ్డను శనిదేవుడి విగ్రహానికి చుట్టి, బంతిపూలతో పూజించాలి. ఇలా నిష్టతో శనిదేవుడిని పూజించడం వల్ల శని సడేసతి నుంచి విముక్తి కలుగుతుంది.
Also Read: Nirjala Ekadashi 2024: నిర్జల ఏకాదశి ఉపవాసం ఎలా చేయాలో తెలుసా..?
శని పూజలో భాగంగా 108 సార్లు శని దేవుడి మంత్రాన్ని జపించాలి. ఓం ప్రాణ్ ప్రీం ప్రాణ్ సః శనైశ్చరాయనమః అనే మంత్రాన్ని జపిస్తూ శని దేవుడి విగ్రహం చుట్టూ(నవగ్రహాలు) ప్రదక్షిణలు చేయాలి. అంతేకాదు శనిదేవుడికి ఇష్టమైన ప్రసాదాన్ని నైవేద్యంగా సమర్పించి పూజను పూర్తి చేయడం వల్ల శని దేవుడి అనుగ్రహం పొందగలుగుతారు.