Sweating Health Benefits: చెమటలు పట్టడం మంచిదే. చాలా మందికి శరీరానికి చెమటలు పడితే విసుగు చెందుతారు. ముఖ్యంగా వేసవికాలంలో చెమటలు రావడం సహజం. ఎండ వేడి కారణంగా ఉక్కపోతతో విపరీతమైన చెమటలు పడుతుంటాయి. దీంతో వాసన, చిరాకు, అసౌకర్యం లాంటివి ఉంటాయి. అయితే చాలా మంది చెమటలు పట్టడం వల్ల ఆరోగ్యంగా ఉంటామనే భావిస్తారు. కానీ చెమటలు పట్టడం వల్ల అనారోగ్య సమస్యలు కూడా తలెత్తుతాయి. దీంతో కూలర్లు, ఫ్యాన్లు, ఏసీలు వంటి వాటికి వాడేస్తుంటారు. అయితే అసలు చెమటలు పట్టడం వల్ల కలిగే ప్రయోజనాలు ఏంటో ఇప్పుడు తెలుసుకుందాం.
ప్రయోజనాలు :
చెమటలు పట్టడం ఎవరికైనా సర్వసాధారణం. చెమటలు పట్టడం వల్ల శరీరంలోని బాక్టీరియా తొలగిపోతుంది. దీంతో చర్మం కాంతివంతంగా మారుతుందని నిపుణులు చెబుతున్నారు. ఈ మేరకు ఓ అధ్యయనంలోను వెల్లడైంది. చెమట చర్మంలోని బ్యాక్టీరియాను తొలగించి చర్మంపై పీహచ్ ను కూడా తగ్గిస్తుంది. అంతేకాదు స్వేధ రంధ్రాలలో పేరుకుపోయే దుమ్ము, ధూళీ వంటి వాటిని కూడా తొలగిస్తుంది. అంతేకాదు చెమట కారణంగా ముఖంపై ఏర్పడే మొటిమలు, మచ్చలు కూడా తొలగిపోయి చర్మం నిగనిగలాగుతుంది. మరోవైపు చెమట బయటకు వెళ్లడం వల్ల ఎముకలకు కాల్షియం అందుతుంది. దీంతో మూత్రపిండాల్లో వచ్చే రాళ్లు కూడా తొలగిపోతాయి. ఇక చర్మంపై ఏర్పడే చెమటల కారణంగా రక్త ప్రసరణ మెరుగ్గా జరుగుతుంది.
దుష్ప్రభావాలు :
శరీరం నుంచి చెమట తొలగిపోవడం వల్ల చర్మం ఆరోగ్యం దెబ్బ తింటుంది. తరచూ ఎక్కువగా చెమట పట్టడం వల్ల బాడీ డీహైడ్రేట్ అవుతుంది. దీంతో శరీరంలో అనారోగ్య సమస్యలు తలెత్తుతాయి. అంతేకాదు దుర్వాసన వంటివి కూడా ఏర్పడతాయి. చెమట కారణంగా ఫంగల్ ఇన్ఫెక్షన్లు కూడా వస్తాయి. అందువల్ల చెమటలు ఎక్కువగా రాకుండా చూసుకోవడం మంచిది.