Avatar 2 Ticket Price : ప్రపంచ సినీ ప్రేక్షకుడు ఎంతో ఆసక్తిగా ఎదురు చూస్తున్న సినిమాల్లో అవతార్ 2 ముందు వరుసలో ఉంది. 12 ఏళ్ల ముందు వచ్చిన అవతార్ సినిమాకు సీక్వెల్గా అవతార్ ది వే ఆఫ్ వాటర్ (అవతార్ 2) డిసెంబర్ 16న ప్రపంచ వ్యాప్తంగా పలు భాషల్లో రిలీజ్కు సిద్ధమవుతుంది. ఇంత గ్యాప్ తర్వాత సీక్వెల్గా అవతార్ 2 వస్తున్నప్పటికీ సినిమాపై క్రేజ్ పీక్స్లో ఉంది. అందుకు కారణం.. దర్శకుడు జేమ్స్ కామెరూన్ సినిమాను విజువల్ ఫీస్ట్గా రూపొందించారు. రీసెంట్గా రిలీజైన ట్రైలర్తో ఆ విషయం తేట తెల్లమైంది. ముఖ్యంగా ఆడియెన్స్ ఈ సినిమాను 3D, 4DX టెక్నాలజీతో సిల్వర్ స్క్రీన్పై చూడటానికి ఎగ్జయిట్మెంట్తో ఎదురు చూస్తున్నారు.
ఇక మన హైదరాబాద్ విషయానికి వస్తే అవతార్ 2 కోసం ప్రసాద్ ఐ మ్యాక్ ఏకంగా వరల్డ్లోనే బిగ్గెస్ట్ స్క్రీన్ ఉన్న థియేటర్ను సిద్ధం చేసింది. ఈ థియేటర్లో అవతార్ 2 సినిమాను చూడాలంటే ఓ టికెట్ను రూ. 1440 రూపాయలు పెట్టి కొనుగోలు చేయాలి. ఇందులో 4DX టెక్నాలజీతో సినిమాను చూడొచ్చు. అదే 3D టెక్నాలజీతో మూవీ చూడాలంటే రూ.1040 పెట్టి టికెట్ కొనాల్సి ఉంటుందని సినీ సర్కిల్స్ సమాచారం. ఓ టికెట్ అంత ధరనా అని కూడా ఆలోచించవచ్చు. అయితే అవతార్ 2లాంటి విజువల్ వండర్ను ఆన్ స్క్రీన్ చూడాలనుకునే మూవీ లవర్స్ కచ్చితంగా టికెట్ కొని డిఫరెంట్ ఎక్స్పీరియెన్స్ను పొందాలనుకుంటారనటంలో సందేహం లేదు.