Afghanistan vs Uganda T20 World Cup 2024 Highlights: టీ 20 ప్రపంచకప్ 2024 లో మరో అతి తక్కువ స్కోరుకి ఆలౌట్ అయిన మ్యాచ్ ఒకటి గయానాలో జరిగింది. ఆఫ్గనిస్తాన్ తో జరిగిన మ్యాచ్ లో ఉగాండ 58 పరుగులకి ఆలౌట్ అయ్యింది. టాప్ 4లో నిలిచింది. ఇంతకుముందు చరిత్రలో చూస్తే నెదర్లాండ్స్ 39, మళ్లీ నెదర్లాండ్స్ 44, వెస్టిండీస్ 55 అతి తక్కువ ఓట్లతో ఓటమి పాలయ్యాయి. వీరి సరసన ఇప్పుడు ఉగండా నిలిచింది.

మొదట టాస్ గెలిచిన ఉగండా బౌలింగు తీసుకుంది. దీంతో ఆఫ్గనిస్తాన్ బ్యాటింగుకి వచ్చి 20 ఓవర్లలో 5 వికెట్ల నష్టానికి 183 పరుగులు చేసింది. లక్ష్య చేధనలో ఉగండా 16 ఓవర్లలో 58 పరుగులకు ఆలౌట్ అయ్యింది.

వివరాల్లోకి వెళితే.. 184 పరుగుల లక్ష్యంతో బ్యాటింగు ప్రారంభించిన ఉగండా ఏ దశలోనూ పోరాట పటిమ చూపించలేదు. నలుగురు డక్ అవుట్లు అయ్యారు. రియాజత్ ఆలి షా (11), రాబిన్ సన్ ఒబుయా (14) ఇద్దరు మాత్రమే రెండంకెల స్కోరు చేశారు. మొత్తానికి 16 ఓవర్లలో 58 పరుగులకి ఆలౌట్ అయ్యింది.

Also Read: న్యూయార్క్ పిచ్ పై.. పడుతూ లేస్తూ గెలిచిన సౌతాఫ్రికా

ఆఫ్గనిస్తాన్ బౌలింగులో ఫజల్లాఖ్ ఫరూఖి 5, ముజీబ్ 1, నవీన్ ఉల్ హక్ 2, రషీద్ ఖాన్ 2 వికెట్లు పడగొట్టారు.

మొదట బ్యాటింగ్ చేసిన ఆఫ్గనిస్తాన్ ఓపెనర్లు ఇద్దరూ అదరగొట్టారు. వారే మొత్తం స్కోరు చేశారు. రహమనుల్లా గుర్భాజ్  45 బంతుల్లో 4 సిక్సర్లు, 4 ఫోర్ల సాయంతో 76 చేసి అవుట్ అయ్యాడు. మరో ఓపెనర్ ఇబ్రహీం జర్దాన్ 46 బంతుల్లో 1 సిక్సర్, 9 ఫోర్ల సాయంతో 70 పరుగులు చేశాడు. తర్వాత వచ్చిన  నజీబుల్లా జర్దాన్ (2), ఒమర్ జాయ్ (5)  స్కోరు పెంచే క్రమంలో అవుట్ అయ్యారు. మహ్మద్ నబీ (14 నాటౌట్) గా నిలిచాడు. ఓవరాల్ గా 20 ఓవర్లలో 5 వికెట్ల నష్టానికి 183 పరుగులు చేసింది.

ఉగండా బౌలింగులో అల్పేష్ రంజానీ 1, కాస్మోస్ 2, బ్రైన్ మసాబా 2 వికెట్లు తీశారు.

Share

• 
• 
• 
• 
• 
•