AA Okkati Adakku movie ott release date(Telugu film news): ఒకప్పుడు టాలీవుడ్లో కడుపుబ్బా నవ్వించే సినిమాలు ఏవైనా ఉన్నాయంటే అవి అల్లరి నరేష్ సినిమాలే. దీన్ని ఎవరూ కొట్టిపారేయలేరు. కానీ కాల క్రమేనా.. అతడి సినిమాలకు డిమాండ్ బాగా తగ్గిపోయింది. ఇప్పటి ఆడియన్స్ మాస్ మసాలా సినిమాలను కోరుకుంటున్నారు. అయితే నరేష్ తన కామెడీ సినిమాలకు బ్రేక్ ఇచ్చి.. ప్రస్తుతం మాస్ యాక్షన్ సినిమాలపైనే ఫోకస్ పెట్టాడు. ఇందులో భాగంగానే వరుస పెట్టి సినిమాలు చేస్తున్నాడు.
ఇందులో భాగంగానే నాంది, ఉగ్రం వంటి ఫుల్ మాస్ యాక్షన్ సినిమాలు చేశాడు. అయినా బాక్సాఫీసు వద్ద అంత ప్రభావం చూపించలేకపోయాడు. ఇప్పటి వరకు యాక్షన్ జోనర్లో వచ్చినా పెద్దగా ఫలితం లేదని తెలిసి.. ఇటీవల అతడు కామెడీ జోనర్లో మరొక కొత్త సినిమాతో వచ్చాడు. మల్లి అంకం దర్శకత్వంలో ‘ఆ ఒక్కటి అడక్కు’ సినిమాతో ప్రేక్షకుల్ని పలకరించాడు.
ఈ చిత్రాన్ని రాజీవ్ చిలక నిర్మించారు. అయితే ఇందులో అల్లరి నరేష్కు జోడీగా టాల్ బ్యూటీ ఫరియా అబ్దుల్లా హీరోయిన్గా నటించింది. అలాగే వెన్నెల కిషోర్, వైవా హర్ష, వంటి నటులు ఇందులో కీలక పాత్ర పోషించారు. ఇక ఎన్నో అంచనాలతో మే 3వ తేదీన ప్రేక్షకుల ముందుకు వచ్చిన ఈ మూవీ పర్వాలేదనిపించుకుంది. అంతేకాకుండా రెండు మూడు రోజుల్లో మంచి వసూళ్లు రాబట్టినా.. ఆ తర్వాత మాత్రం తన హవా చూపించలేకపోయింది. దీంతో ఇప్పుడు ఓటీటీ బాట పట్టింది.
Also Read: అల్లరి నరేష్ మరో కొత్త అవతారం.. ఈసారి మోత మోగిపోవాల్సిందే..!
ఎవరికీ చెప్పకుండానే.. సైలెంట్గా ఓటీటీలోకి వచ్చేసింది. ప్రముఖ ఓటీటీ ప్లాట్ ఫార్మ్ అమెజాన్ ప్రైమ్ వీడియోలో ఇవాల్టి నుంచి స్ట్రీమింగ్ అవుతోంది. మరి ఈ చిత్రాన్ని థియేటర్లలో మిస్ అయిన వారు ఇప్పుడు ఎంచెక్కా ఓటీటీలో చూసేయొచ్చు. ఇకపోతే విజయపజయాలతో సంబంధం లేకుండా అల్లరి నరేష్ దూసుకుపోతున్నాడు. ఇప్పుడు మరొక మాస్ యాక్షన్ సినిమాతో వస్తున్నాడు. సుబ్బు మంగదేవి దర్శకత్వంలో ‘బచ్చల మల్లి’ మూవీ చేస్తున్నాడు.