Ducati Unveils CR241 and RR241 Two New Scrambler: 2024 లండన్ బైక్ షెడ్ మోటోషోలో డుకాటీ రెండు వినూత్న కాన్సెప్ట్ బైక్లను ఆవిష్కరించింది. వాటిని CR241, RR241 అనే పేర్లతో రిలీజ్ చేసింది. అయితే ఇవి అద్భుతమైన లుక్, డిజైన్తో బైక్ ప్రియులను అట్రాక్ట్ చేస్తున్నాయి. ఇప్పుడు ఈ రెండు బైక్లకు సంబంధించి పూర్తి వివరాలు తెలుసుకుందాం.
Ducati Scrambler CR241
1960ల నాటి బ్రిటిష్ కేఫ్ రేసర్ల నుండి ప్రేరణ పొందిన డుకాటీ స్క్రాంబ్లర్ CR241 ఒక ఫైటర్ జెట్ను గుర్తుకు తెచ్చే డిజైన్ను కలిగి ఉంది. బికినీ ఫెయిరింగ్, క్లిప్-ఆన్ హ్యాండిల్బార్లు, బార్-ఎండ్ మిర్రర్స్, ఫ్లాట్ సీట్ వంటి ముఖ్య ఫీచర్లు ఈ బైక్లో ఉన్నాయి. బైక్ వెనుక సీటు తొలగించుకోవచ్చు. అలాగే సింగిల్-సీటర్ కాన్ఫిగరేషన్ కోసం కౌల్తో కూడా సెట్ చేయవచ్చు. అలాగే ఔత్సాహికులు టెర్మిగ్నోని ఎగ్జాస్ట్ సిస్టమ్ను కూడా సెలెక్ట్ చేసుకోవచ్చు.
CR241 స్పోర్టియర్ 17-అంగుళాల అల్లాయ్ వీల్స్ను కలిగి ఉంటుంది. ఇది రైడ్, హ్యాండ్లింగ్ డైనమిక్స్ రెండింటినీ మెరుగుపరుస్తుంది. ట్యాంక్-మౌంటెడ్ ఫెయిరింగ్ పాంటా, 750 SS వంటి డుకాటీ లెజెండ్లకు అద్భుత అనుభవాన్ని అందిస్తుంది. అదనంగా సింగిల్-సైడెడ్ స్వింగ్ఆర్మ్ వెనుక టైర్ హగ్గర్ను రూపొందించడానికి విస్తరించింది. ఇది రిజిస్ట్రేషన్ ప్లేట్ హోల్డర్గా కూడా పనిచేస్తుంది.
Also Read: కొత్త కలర్, ఫీచర్లతో డుకాటీ.. అదరగొడుతున్న లుక్!
Ducati Scrambler RR241
CR241కి విరుద్ధంగా డుకాటి స్క్రాంబ్లర్ RR241 మినిమలిస్టిక్, ఫంక్షనల్ డిజైన్ను కలిగి ఉంది. ఫ్రంట్ ఫెండర్ చిన్న బీక్ను కలిగి ఉంటుంది. వెనుక ఫెండర్ పూర్తిగా తొలగించబడింది. ఇంధన ట్యాంక్లో బ్యాగ్ని అటాచ్ చేయడానికి ఫ్రేమ్ను పొందుపరిచారు. కాగా ఈ బైక్ ప్రాక్టికాలిటీని మెరుగుపరుస్తుంది.
CR241 లాగా, RR241 కూడా తొలగించగల పిలియన్ సీటును అందిస్తుంది. దీని స్థానంలో వెనుక ఎడమ వైపున అమర్చబడిన లగేజ్ రాక్ లేదా జెర్రీ క్యాన్లు ఉంటాయి. ఈ మోడల్ టెర్మిగ్నోని ఎగ్జాస్ట్ మఫ్లర్ను కూడా కలిగి ఉంది. ఇందులో ఫ్రంట్ సైడ్ 18-అంగుళాలు, అలాగే వెనుకన 17-అంగుళాల వైర్-స్పోక్డ్ వీల్స్ ఉన్నాయి. అలాగే నాబీ పిరెల్లీ స్కార్పియన్ ర్యాలీ STR టైర్లు ఉన్నాయి. ఇది కఠినమైన ప్రాంతాల్లో అనుకూలంగా ఉంటుంది. CR241, RR241 రెండూ ఒకే 803cc, ఎయిర్-కూల్డ్, V-ట్విన్ డెస్మోడ్యూ ఇంజన్తో 72 bhp, 65.2 Nm గరిష్ట టార్క్ను అందిస్తాయి. ఈ ఇంజన్ ఆరు-స్పీడ్ గేర్బాక్స్తో జత చేయబడింది.