Health Benefits for Pippali: పిప్పలిని స్థానికంగా పిప్పళ్లు అని కూడా పిలుస్తారు. పిప్పలిని సుగంధ ద్రవ్యాలలో రాజుగా పిలుస్తారు. పిప్పలిని గత కొన్ని శతాబ్దాలుగా ఆయుర్వేద ఔషధాల్లో ఉపయోగిస్తున్నారు. పిప్పాలితో శరీరాన్ని చాలా రకాల వ్యాధుల బారి నుంచి కాపాడుకోవచ్చు. ఆర్థరైటిస్, కడుపు మంట చికిత్సతో సహా చాలా రకాలుగా ఇది నివారణకు ఉపయోగపడుతుంది. అయితే దీనివల్ల కలిగే ముఖ్యమైన ప్రయోజనాల గురించి ఇప్పుడు పూర్తిగా తెలుసుకుందాం.

ఆర్థరైటిస్‌లో పిప్పలి ప్రయోజనాలు

పిప్పలి శక్తివంతమైన శోథ నిరోధక లక్షణాలను కలిగి ఉంటుంది. ఇది నొప్పి, వాపు, దృఢత్వం వంటి ఆర్థరైటిస్ లక్షణాలను తగ్గించడంలో సహాయపడుతుంది. ఇందులో ఉండే యాంటీ ఆక్సిడెంట్లు కీళ్ల నొప్పులను అరికట్టి, బలోపేతం చేయడంలో సహాయపడతాయి. అంతేకాదు పిప్పాలి వాపును తగ్గించడం, కీళ్లను బలోపేతం చేయడం ద్వారా రోగుల కదలికను మెరుగుపరచడంలోను ఎంతగానో తోడ్పడుతుంది.

కడుపులో వాపు..

పిప్పలి జీర్ణ ఎంజైమ్‌ల ఉత్పత్తిని ప్రోత్సహించి, ఆహార శోషణను మెరుగుపరుస్తుంది. దీని వల్ల జీర్ణక్రియ సాఫీగా జరుగుతుంది. ఇందులో ఉండే యాంటీ ఇన్‌ఫ్లమేటరీ లక్షణాలు కడుపులో మంటను తగ్గించడంలో సహాయపడతాయి. అంతేకాదు పిప్పలి అజీర్ణం, గ్యాస్, కడుపు నొప్పి వంటి సమస్యలను తగ్గిస్తుంది. పిప్పలి పేగుల్లో మంచి బ్యాక్టీరియా వృద్ధిని ప్రోత్సహించడం, హానికరమైన బ్యాక్టీరియాను తొలగించడం, పేగు ఆరోగ్యాన్ని మెరుగుపరచడం వంటి వాటిల్లో అద్భుతంగా సహాయపడుతుంది.

Also Read: Keep Your Eyes Safe: హీట్ వేవ్ వల్ల మీ కళ్లు దెబ్బతింటున్నాయా.. ఈ అద్భుతమైన చిట్కాలు మీ కోసమే

పిప్పలి ఎలా ఉపయోగించాలి..?

ఒక కప్పు వేడి నీటిలో 1 టీస్పూన్ పిప్పలి పొడిని కలిపి టీ చేసుకుని తాగితే ఆరోగ్యానికి చాలా మంచిది. ఈ టీని రోజుకు రెండుసార్లు త్రాగాలి. అంతేకాదు పిప్పలిని కూర, పప్పు, అనేక ఇతర వస్తువుల తయారీలో కూడా ఉపయోగిస్తారు. వీటిని వాడినా కూడా మంచి ప్రయోజనాలు ఉంటాయి.

పలు జాగ్రత్తలు

గర్భిణీ లేదా బాలింత స్త్రీలు పిప్పలిని అస్సలు తీసుకోకూడదు.

రక్తస్రావం వంటి రుగ్మత ఉంటే, పిప్పలి తీసుకునే ముందు డాక్టర్ సలహా తీసుకోవడం మంచిది.

ఏదైనా ఔషధం తీసుకుంటే, పిప్పలి తీసుకునే ముందు డాక్టర్ సూచనల ప్రకారం తీసుకోవడం మంచిది.

Share

• 
• 
• 
• 
• 
•