IPL 2024 Final Match – KKR Vs SRH Breaks 14 year old Historical Record in Tournament: ఆ రికార్డు ఏమిటి? అని ఆశ్చర్యపోతున్నారా? ఇంకేమిటండీ బాబూ.. ఐపీఎల్ ఫైనల్ మ్యాచ్ అండీ.. కొంపదీసి ఏదో గొప్ప రికార్డే వచ్చిందని అనుకుంటున్నారా? అంత లేదండీ.. ఐపీఎల్ ప్లే ఆఫ్ చరిత్రలో అతి తక్కువ సమయంలో, అతి చప్పగా, అతి చెత్తగా ముగిసిపోయిన మ్యాచ్ గా ముందున్న ఒక రికార్డుని బద్దలు కొట్టింది.

విషయం ఏమిటంటే.. ఐపీఎల్ టీ 20 మ్యాచ్ లో రెండు జట్లు కలిసి 40 ఓవర్లు ఆడాల్సిన మ్యాచ్ కేవలం 29 ఓవర్లలో తేలిపోయంది. హైదరాబాద్ జట్టు 18.3 ఓవర్లకు ఆలౌట్ అయితే.. అదే స్కోరుని కేవలం 10.3 ఓవర్లలో ఛేదించి కోల్ కతా విజయం సాధించింది. దీంతో అతి తక్కువ ఓవర్లలో ముగిసిన ప్లే ఆఫ్ మ్యాచ్ గా 14 ఏళ్ల రికార్డుని ఫైనల్ మ్యాచ్ బద్దలు కొట్టిందన్న మాట.. అదండీ సంగతి..

చెన్నైలోని ఎంఏ చిదంబరం స్టేడియం వేదికగా కోల్‌కతా నైట్ రైడర్స్ వర్సెస్ సన్‌రైజర్స్ హైదరాబాద్ జట్ల మధ్య జరిగిన ఫైనల్ మ్యాచ్‌.. హోరాహోరీగా సాగుతుందని అంతా అనుకున్నారు. కానీ అత్యంత దారుణంగా సాగింది. నిజానికి లోకల్ టీమ్ కూడా ఆడనట్టుగా హైదరాబాద్ జట్టు ఆడటంతో అందరూ నిరాశలో కూరుకుపోయారు.

Also Read: కప్పు గెలిస్తే బ్రా లేకుండా ఫొటోలు పెడతానన్న లేడీ ఫ్యాన్.. అన్నంత పని చేసిందిగా?

2012, 2014 తర్వాత ముచ్చటగా మూడోసారి కోల్‌కతా నైట్ రైడర్స్ ట్రోఫీని ముద్దాడారు. మూడోసారి టైటిల్‌ గెలవాలనుకున్న సన్‌రైజర్స్‌కు నిరాశే మిగిలింది. మొదట బ్యాటింగ్ చేసిన సన్‌రైజర్స్ హైదరాబాద్ 18.3 ఓవర్లలో కేవలం 113 పరుగులకే ఆలౌట్ అయ్యింది. అనంతరం లక్ష్య ఛేదనలో కోల్ కతా 10.3 ఓవర్లలో 2 వికెట్ల నష్టానికి మ్యాచ్‌ను ముగించింది.

దీంతో ఐపీఎల్ చరిత్రలో 14 ఏళ్ల రికార్డును బద్దలు కొట్టినట్టయ్యింది. మొత్తం 29 ఓవర్ల పాటు మాత్రమే కొనసాగిన ఈ మ్యాచ్.. ఐపీఎల్ చరిత్రలో అతి తక్కువ ఓవర్లలో ముగిసిన ప్లేఆఫ్ మ్యాచ్‌గా నిలిచింది.

Also Read: Riyan Parag: యువ ఆటగాడిపై ట్రోలింగ్స్.. ‘ఛీ.. నీకు ఇదేం పాడు బుద్ధి భయ్యా’ అంటూ..

2010లో ఆర్సీబీ వర్సెస్ డెక్కన్ ఛార్జర్స్ జట్ల మధ్య ప్లే ఆఫ్ మ్యాచ్ జరిగింది. అది కూడా ఇప్పటిలాగే 32.2 ఓవర్లలో ముగిసిపోయింది. అయితే  ఆ మ్యాచ్‌లో మొదట బ్యాటింగ్ చేసిన డెక్కన్ ఛార్జర్స్ 18.3 ఓవర్లలో 82 పరుగులకే ఆలౌట్ అయ్యింది. ఆర్సీబీ బ్యాటింగ్ ప్రారంభించి 13.5 ఓవర్లలో లక్ష్యాన్ని ఛేదించింది.

Share

• 
• 
• 
• 
• 
•