Central Bank of India Recruitment 2024: బ్యాంక్ ఉద్యోగాలకు సిద్ధమవుతున్న యువతకు శుభవార్త. బ్యాంక్లో జాబ్ చేయాలనుకునే వారు రాత పరీక్ష లేకుండానే ఉద్యోగం సాధించవచ్చు. సెంట్రల్ బ్యాంక్ ఆఫ్ ఇండియాలో ఉద్యోగాల కోసం చూస్తున్న యువతకు ఇది సువర్ణావకాశం.
సెంట్రల్ బ్యాంక్ ఆఫ్ ఇండియాలో పని చేయాలని ఆసక్తి ఉన్న వారు ఫ్యాకల్టీ, ఆఫీస్ అసిస్టెంట్, అటెండర్, వాచ్మెన్/గార్డనర్ పోస్టులకు దరఖాస్తు చేసుకోవచ్చు. ఈ రిక్రూట్మెంట్ ద్వారా మొత్తం 10 పోస్టులను భర్తీ చేయనున్నారు.
అర్హత:
ఫ్యాకల్టీ: అభ్యర్థులు ఏదైనా గుర్తింపు పొందిన యూనివర్సిటీ లేదా ఇన్స్టిట్యూట్ నుంచి రూరల్ డెవలప్మెంట్లో MSW/ MA/ సోషియాలజీ/ సైకాలజీ/ B.Sc (అగ్రికల్చర్)లో MAతో పోస్ట్ గ్రాడ్యుయేట్ డిగ్రీని కలిగి ఉండాలి. బీఏతోపాటు బీఈడీ అర్హతతో ఉండాలి. అలాగే అభ్యర్థులకు కంప్యూటర్ పరిజ్ఞానం కూడా ఉండాలి.
Also Read: IAF Agniveer Recruitment: అగ్నివీర్లో మ్యూజిషియన్ ఉద్యోగాలు.. అర్హతలివే..
ఆఫీస్ అసిస్టెంట్:
అభ్యర్థులు BSW/BA/B.Comతో పాటు కంప్యూటర్ పరిజ్ఞానంతో గ్రాడ్యుయేట్ డిగ్రీని కలిగి ఉండాలి.
అటెండర్లు:
అభ్యర్థులు ఏదైనా గుర్తింపు పొందిన బోర్డు లేదా ఇన్స్టిట్యూట్ నుండి 10వ తరగతి ఉత్తీర్ణులై ఉండాలి.
తోటమాలి/చౌకీదార్:
అభ్యర్థులు ఏదైనా గుర్తింపు పొందిన బోర్డు లేదా ఇన్స్టిట్యూట్ నుండి 7వ తరగతి ఉత్తీర్ణులై ఉండాలి.
వయోపరిమితి:
అభ్యర్థుల వయస్సు 22 నుంచి 40 సంవత్సరాల మధ్య ఉండాలి
Also Read: బోర్డర్ సెక్యూరిటీ ఫోర్స్లో ఎస్సై, కానిస్టేబుల్ పోస్టులు.. అర్హులు ఎవరంటే..?
జీతం:
ఫ్యాకల్టీ – నెలకు రూ 20000
ఆఫీస్ అసిస్టెంట్ – నెలకు రూ 12000
అటెండర్ – నెలకు రూ 8000
చౌకీదార్/గార్డనర్ – నెలకు రూ 6000
ఈ రిక్రూట్మెంట్ కోసం దరఖాస్తు చేసుకునే అభ్యర్థులు వ్యక్తిగత ఇంటర్వ్యూ ఆధారంగా ఎంపిక చేయబడతారు. ఈ పోస్ట్లకు దరఖాస్తు చేసుకోవాలనుకునే అభ్యర్థులు సెంట్రల్ బ్యాంక్ అధికారిక వెబ్సైట్ , centralbankofindia.co.in ద్వారా దరఖాస్తు చేసుకోవచ్చు. మే 31 లోపు అభ్యర్థులు దరఖాస్తు చేసుకోవచ్చు.