ఈ సమయంలో ఒకసారి స్టాండ్ లో కూర్చున్న కెప్టెన్ కమిన్స్ ని కెమెరామెన్ చూపించాడు. తను  ముఖం కూడా వాడిపోయి, విచారంతో కూర్చున్నాడు. మ్యాచ్ ఓడిపోతున్నామనే భావన అందరిలో స్పష్టంగా కనిపించింది. మొత్తానికి ఇలా హైదరాబాద్ అభిమానులు, టీమ్ మేనేజ్మెంట్, సిబ్బంది అందరూ పిచ్చి చూపులు  చూస్తూ కూర్చున్నారు.

Also Read: స్పిన్నర్లు తిప్పేశారు.. హైదరాబాద్ ను గెలిపించారు

రాజస్థాన్ బ్యాటింగ్ స్టార్టయ్యింది. అందరూ మెంటల్ గా డిసైడ్ అయ్యారు. చిన్న స్కోరు, వికెట్లను కాపాడుకుంటూ ఆడుతూ పాడుతూ కొడతారని భావించారు. కానీ మూడు ఓవర్లు గడిచేసరికి పరిస్థితి ఆందోళనకరంగా మారింది. ఓపెనర్లు ఇద్దరూ బాల్ ని కొట్టడానికి తడబడుతున్నారు.అంటే పిచ్ మొండికేసింది. రాజస్థాన్ బ్యాటర్లకి కూడా అంతుచిక్కడం లేదు. దీంతో ఓపెనర్ టామ్ కొహ్లెర్ వాతావరణంలో గాలి లేక ఉక్కబోతతో చాలా ఇబ్బంది పడ్డాడు. ఇవన్నీ చూస్తున్న రాజస్థాన్ అభిమానులు ఏం జరుగుతుందో తెలీక స్టన్ అయిపోయి చూస్తున్నారు. అదే సమయంలో హైదరాబాద్ అభిమానుల కళ్లల్లో ఆనందం కనిపిస్తోంది. ఆశలు నెమ్మదిగా తిరిగి ఊపిరి పోసుకుంటున్నాయి.

ఫస్ట్ వికెట్ పడింది..టామ్ కొహ్లెర్ 10 పరుగులు చేసి వెనుతిరిగాడు. హైదరాబాద్ జట్టులో అందరికీ పిచ్ పరిస్థితి అర్థమైంది. ఆ ప్రకారం బౌలింగు చేయడం మొదలుపెట్టారు. ఈ క్రమంలో యశస్వి ఒక్కసారి బ్యాట్ ఝులిపించాడు. ఫటాఫట్ మని భువనేశ్వర్ బౌలింగులో 19 పరుగులు చేసి పారేశాడు. దీంతో రన్ రేట్ ఒక్కసారి పైకి లేచి, సమానమైపోయింది. మళ్లీ మ్యాచ్ రాజస్థాన్ చేతుల్లోకి వెళ్లినట్టే అనిపించింది.

దీంతో కావ్య పాప కళ్లల్లో విచారం.. మొఖం ఇలా పెట్టుకుని ఎటో చూస్తూ కనిపించింది. ఆ పక్కనే స్టాండులో ఒక చిన్నారి పాపని చూపించారు. తను ఎగిరి గంతులేస్తోంది.

సీన్ కట్ చేస్తే.. రాజస్థాన్ వికెట్లు ఠపఠపామని పడిపోయాయి. 139 పరుగులకి కథ ముగిసిపోయింది. దీంతో ఒక్కసారి స్టేడియంలో హైదరాబాద్ అభిమానుల ఆనందం రెట్టింపయ్యింది. కావ్య పాప ఆనందంతో గెంతులేసింది. అక్కడే ఉన్న తండ్రి కళానిధి మారన్ ని వెళ్లి సంతోషం పంచుకుంది.

ఇదిలా ఉండగా ఇంతకుముందు నవ్వుతు తుళ్లుతూ కనిపించిన చిన్నారి ఏడుస్తూ కనిపించింది. ఒకటే ఏడుపు 14 ఓవర్ దగ్గర నుంచి మొదలెట్టిన ఏడుపు చివరి వరకు కంటిన్యూ అయ్యింది. అలా నాన్ స్టాప్ గా ఏడుస్తూనే ఉంది. ఒకొక్కసారి తనుకు తానే సంభాళించుకుంటూ, నిగ్రహించుకుంటూ, కర్చీఫ్ తో తుడుచుకుంటూ చాలా అవస్థలు పడింది.

క్రికెట్ మ్యాచ్ అంటేనే ఒక ఎమోషన్ గేమ్.. భారతీయుల బ్లడ్ లోకి అంతగా వెళ్లిపోయింది. ఆనందం వచ్చినా తట్టుకోలేరు, దుఖం వచ్చినా తట్టుకోలేరు. అంత బలహీన మనసులైపోయారనే కామెంట్లు నెట్టింట వినిపిస్తున్నాయి.