Ajith Kumar’s Good Bad Ugly Fist Look out: కోలీవుడ్ స్టార్ హీరో అజిత్ ఈ మధ్య సినిమాలకు గ్యాప్ ఇచ్చిన విషయం తెల్సిందే. సినిమాలు కాకుండా బైక్ పై ప్రపంచ యాత్ర చేసి వచ్చిన అజిత్.. వరుస సినిమాలను లైన్లో పెట్టాడు. ఇప్పటికే విడమయుర్చి అనే సినిమాలో నటిస్తున్నాడు. ఇక ఇది కాకుండా అజిత్.. తెలుగు మేకర్స్ తో కొలాబరేట్ అయ్యాడు. వారే మైత్రీ మూవీ మేకర్స్.
ప్రస్తుతం స్టార్ హీరోల సినిమాలన్నీ మైత్రీ చేతిలోనే ఉన్నాయి. అయితే తమిళ్ లో కూడా మైత్రీ తన సత్తా చాటాలని ప్రయత్నాలు సాగిస్తోంది. ఈ నేపథ్యంలోనే అజిత్ – మైత్రీ ఒక్కట్టయ్యారు. విశాల్ కు మార్క్ ఆంటోనీ సినిమాతో భారీ బ్లాక్ బస్టర్ హిట్ ఇచ్చిన అధిక్ రవిచంద్రన్ ఈ సినిమాకు దర్శకత్వంలో తెరకెక్కుతున్న చిత్రం గుడ్ బ్యాడ్ అగ్లీ.
కొన్నిరోజుల క్రితమే ఈ సినిమా పూజా కార్యక్రమాలను జరుపుకున్న విషయం తెల్సిందే. ఇప్పటికే ఈ సినిమా నుంచి రిలీజ్ చేసిన పోస్టర్ బాగానే ఆకట్టుకోగా.. తాజాగా రిలీజ్ చేసిన పోస్టర్ సినిమాపై అంచనాలను పెంచేసింది. ఈ పోస్టర్ లో అజిత్ ను ముగ్గురుగా చూపించారు. టైటిల్ కు తగ్గట్టు గుడ్ బ్యాడ్ అగ్లీ హావభావాలను అజిత్ ముఖంలో కనిపించాయి. అజిత్ లుక్, ఫంకీ హెయిర్ స్టైల్, గన్స్ , గోల్డ్ ..ఇలా చాలా షేడ్స్ చూపించారు.
మూడు విభిన్నమైన షేడ్స్ తో అజిత్ లుక్ అదిరిపోయింది. ఇక ఈ సినిమాకు దేవిశ్రీ ప్రసాద్ సంగీతం అందిస్తున్నాడు. త్వరలోనే ఈ సినిమా సెట్స్ మీదకు వెళ్లనున్నట్లు తెలుస్తోంది. అందుతున్న సమాచారం ప్రకారం.. ఈ సినిమాలో ఒక స్టార్ హీరోయిన్ ను తీసుకొనే ఆలోచనలో ఉన్నారని టాక్. మరి అజిత్ సరసన నటించే ఛాన్స్ ఏ స్టార్ హీరోయిన్ అందుకుంటుందో చూడాలి. ఇకపోతే ఈ సినిమా వచ్చే ఏడాది సంక్రాంతి బరిలో రిలీజ్ కానుందని మేకర్స్ ప్రకటించారు.
Expect the unexpected!#GoodBadUgly In Cinemas Pongal 2025 🔥
Shooting in Progress!
#AjithKumar @MythriOfficial @Adhikravi @ThisIsDSP @AbinandhanR @editorvijay @GoodBadUglyoffl @SureshChandraa @supremesundar #Kaloianvodenicharov #Anuvardhan… pic.twitter.com/G47WLIFpnb— Mythri Movie Makers (@MythriOfficial) May 19, 2024