Oppo Reno 12 & Reno 12 Pro Launch Date Revealed: ప్రముఖ స్మార్ట్ఫోన్ తయారీ సంస్థ ఒప్పో మొబైల్ మార్కెట్లో అంచలంచలుగా ఎదుగుతోంది. కొత్త కొత్త మోడళ్లను రిలీజ్ చేస్తూ ఫోన్ ప్రియులను ఆకట్టుకుంటోంది. ఇక ఇప్పటికే ఎన్నో రకాల మోడళ్లను తీసుకువచ్చింది. అందులో రెనో 11 సిరీస్ ఒకటి. ఈ సిరీస్కు మార్కెట్లో మంచి ఆదరణ లభించింది. దీంతో ఇప్పుడు కంపెనీ మరొక కొత్త సిరీస్ను తీసుకువచ్చేందుకు రెడీ అయింది.
Oppo Reno 11 లైనప్కు సక్సెసర్గా Oppo Reno 12 సిరీస్ ఈ నెలాఖరులో ప్రారంభించబడుతుంది. తాజాగా ఈ కొత్త లైనప్ ప్రారంభ తేదీని కంపెనీ ప్రకటించింది. లైనప్లో Reno 12 , Reno 12 Pro కూడా ఉంటాయని Oppo వెల్లడించింది. అలాగే కంపెనీ ఫోన్ల వెనుక ప్యానెల్ డిజైన్ను కూడా వెల్లడించింది. Reno 12 సిరీస్తో పాటు ఒప్పో ఎన్కో ఎయిర్ 4 ప్రో టిడబ్ల్యుఎస్ ఇయర్ఫోన్లను కూడా లాంచ్ చేసే అవకాశముందని టెక్ నిపుణులు అభిప్రాయ పడుతున్నారు.
ఇకపోతే Oppo Reno 12 సిరీస్ చైనాలో మే 23న సాయంత్రం 4 గంటలకు (1:30pm IST) ప్రారంభించబడుతుందని Oppo వెల్లడించింది. ఈ హ్యాండ్సెట్లు సిల్వర్ ఫినిషింగ్లతో వస్తాయని సూచించే ‘సిల్వర్’ లుక్తో ఒక పోస్టర్ రిలీజ్ చేశారు. రాబోయే ఫోన్ల వెనుక ప్యానెల్ డిజైన్ను కూడా కంపెనీ వెల్లడించింది.
Also Read: ఒప్పో రెనో నుంచి న్యూ 5G స్మార్ట్ఫోన్.. ఒక్క ఫోన్లో ఇన్ని కెమెరాలు ఏంట్రా బాబు!
Oppo Reno 12 సిల్వర్ షేడ్లో కనిపిస్తుంది. Oppo Reno 12 Pro పర్పుల్ కలర్వేలో కనిపిస్తుంది. రెండు ఫోన్లు షైనింగ్ లుక్తో చాలా క్యూట్గా కనిపిస్తున్నాయి. అంతేకాకుండా వాటి కెమెరాలు కూడా అట్రాక్ట్ చేస్తున్నాయి. అయితే Oppo ఫోన్ల గురించి కంపెనీ ఇతర వివరాలను పంచుకోలేదు. ఒక సోషల్ మీడియా పోస్ట్లో రెనో 12 సిరీస్ ‘‘ఫోటోలు తీయడానికి మీకు ఊహించని వినూత్న మార్గాలను తీసుకువస్తుంది’’ అని రాసుకొచ్చారు.
Oppo 44 గంటల బ్యాటరీ లైఫ్తో Oppo Enco Air 4 Pro ఇయర్బడ్లను కూడా తీసుకువస్తుంది. ఈ వైర్లెస్ ఇయర్బడ్ల లాంచ్ టైమ్లైన్ ఇంకా ధృవీకరించబడలేదు. అయితే వాటిని రెనో 12 లాంచ్ సమయంలో ఆవిష్కరించే అవకాశం ఉంది. బేస్ ఒప్పో రెనో 12 మోడల్ మీడియా టెక్ డైమెన్సిటీ 8250 SoC ద్వారా అందించబడుతుంది. అయితే ప్రో వేరియంట్ మీడియా టెక్ డైమెన్సిటీ 9200+ చిప్సెట్ను కలిగి ఉంటుంది. ఈ రెండు హ్యాండ్సెట్లు 50-మెగాపిక్సెల్ ట్రిపుల్ రియర్ కెమెరా యూనిట్లను కలిగి ఉండే అవకాశం ఉంది.
Oppo Reno 12 Pro 6.7-అంగుళాల 120Hz 1.5K డిస్ప్లే, 80W వైర్డ్ ఫాస్ట్ ఛార్జింగ్కు మద్దతుతో 5,000mAh బ్యాటరీని కలిగి ఉంటుందని భావిస్తున్నారు. ఇది 2x ఆప్టికల్ జూమ్తో 50-మెగాపిక్సెల్ పోర్ట్రెయిట్ సెన్సార్తో పాటు 50-మెగాపిక్సెల్ ఫ్రంట్ కెమెరా సెన్సార్, 50-మెగాపిక్సెల్ ప్రైమరీ రియర్ సెన్సార్ను పొందడానికి కూడా వీలుంది. Oppo Reno 11 5G, Oppo Reno 11 Pro 5G ఈ ఏడాది జనవరిలో భారతదేశంలో ప్రారంభించబడ్డాయి. ప్రో వేరియంట్ ధర 12GB + 256GB వేరియంట్ 39,999, బేస్ ప్రారంభ ధర 8GB + 128GB రూ.29,999గా ఉంది.