Women Making Bread Toast on Mosquito Bat: సోషల్ మీడియాలో తరచూ ఏదో ఒక వీడియో వైరల్ అవుతూనే ఉంటుంది. ఇంటర్నెట్‌లో ఫేమస్ అవ్వాలని ఏదో ఒక విన్యాసం చేస్తూ ఉంటారు. ఏదో ఒక జుగాడ్ పనులు చేస్తూ సోషల్ మీడియాలో విమర్శలతో పాటు ప్రశంసలు అందుకుంటూ అందరి కంట్లో పడుతుంటారు. అయితే చాలా మంది ఇప్పటికే ఎండలో ఉండే బండి వేడి కాగానే దానిపై ఆమ్లెట్ వేయడం, ఐరన్ బాక్సులపై దోషలు వేయడం వంటి విచిత్ర పనులు చేస్తుంటారు. ఇలా ఎన్ని వీడియోలు వస్తున్నా.. మరిన్ని వింత ప్రయత్నాలు చేస్తూ ఆన్ లైన్‌లో వీడియోలు పోస్ట్ చేసి హల్ చల్ చేస్తుంటారు.
తాజాగా అలాంటిదే ఓ వీడియో ప్రస్తుతం సోషల్ మీడియాలో వైరల్ అవుతోంది. ఓ మహిళ ఏకంగా ఈసారి దోమల బ్యాట్ ను వాడింది. అదేంటి దోమల బ్యాట్ ఆ అని ఆశ్చర్యపోకండి. ఆమె నిజంగా దోమల బ్యాట్ నే ఉపయోగించింది. దోమల బ్యాట్ పై బ్రెడ్ టోస్ట్ తయారు చేసింది. దీని కోసం తన బెడ్ రూంలో బెడ్ పై కూర్చుని పక్కన బ్రెడ్ ప్యాకెట్ పెట్టుకుంది. అనంతరం చేతిలో దోమల బ్యాట్ పట్టుకుని దానిపై బ్రెడ్ ను కాల్చింది. ఇలా రెండు, మూడు బ్రెడ్ లను కాల్చింది. అనంతరం వాటిని బ్రెడ్ టోస్టుల్లాగా తయారు చేసి వాటిని తినేసింది.
దీనికి సంబంధించిన వీడియో ప్రస్తుతం వీడియో సోషల్ మీడియాలో వైరల్ అవుతోంది. దీనికి నెటిజన్లు తీవ్రంగా స్పందిస్తున్నారు. మస్కిటో బ్యాట్‌పై బ్రెడ్ టోస్ట్ ఏంటని విభిన్న రకాల కామెంట్స్ చేస్తున్నారు. ఓ వ్యక్తి బ్రెడ్ విత్ మస్కిటో శాండ్ విచ్ అని ఫన్నీగా కామెంట్ చేయడం ప్రస్తుతం హల్ చల్ అవుతోంది. ఈ వీడియో చూసిన నెటిజన్లు కూడా దీన్ని వైరల్ చేస్తున్నారు.
View this post on Instagram
Share
Imran khan Bail: పాక్ మాజీ ప్రధాని ఇమ్రాన్ ఖాన్‌కు బెయిల్
India Rain Forecast: జూన్ - సెప్టెంబర్‌లో భారీ వర్షాలు కురుస్తాయి: వాతావరణ శాఖ వెల్లడి
