Equador Wins Qatar loses In Fifa : ఫుట్ బాల్ ప్రపంచకప్ లో ఈక్వెడార్ బోణీ కొట్టింది. ఆతిథ్య జట్టు ఖతర్ పై విజయం సాధించింది. 2-0 తేడాతో గెలిచింది. విజయంతో ఈక్వెడార్ జట్టు అభిమానులు సంబరాలు చేసుకున్నారు. నిజానికి 92 సంవత్సరాల ఫుట్ బాల్ ప్రపంచ కప్ చరిత్రలో ….ఇప్పటివరకు ఆతిథ్య జట్టు తాము ఆడిన తొలి మ్యాచ్ లో ఓడిపోలేదు. విజయం సాధించడం లేదంటే డ్రాతో ముగించిన పరిస్థితి ఉండేది. కానీ ఆదివారం ఈ ఆనవాయితీ మారింది. టోర్నీ చరిత్రలో తొలిసారి ఆతిథ్య జట్టు ఆడిన తొలి మ్యాచ్ లోనే… ఓటమి మూటకట్టుకుంది.

ఈ మెగా ఈవెంట్ నిర్వహణ కోసం లక్షల కోట్లు వెచ్చించిన ఖతర్ దేశానికి తొలి మ్యాచే నిరాశను మిగిల్చింది. నాలుగోసారి ప్రపంచకప్ లో ఆడుతున్న ఈక్వెడార్ విజయంతో….. బోణీ కొట్టి శుభారంభం చేసింది. గ్రూప్ ఏ తొలి లీగ్ మ్యాచ్ లో ప్రపంచ 44వ ర్యాంకర్ ఈక్వెడార్…ప్రపంచ 50వ ర్యాంకర్ ఖతర్ ను ఓడించింది. ఈక్వాడార్ తరపున నమోదైన రెండు గోల్స్ ను ఇనెర్ వాలెన్సియా సాధించాడు

Share

• 
• 
• 
• 
• 
•