Hyderabad Dubai Agent Scam : ఏజెంట్ మాటలు నమ్మి మోసపోయిన ఓ మహిళ దుబాయ్ లో చిక్కుకుపోయింది. నరకయాతన అనుభవిస్తోంది. చివరకు తల్లి చనిపోయినా కూడా రాలేని దుస్థితిలో ఉండిపోయింది. హైదరాబాద్ పాతబస్తీకి చెందిన సకీనా ఫాతిమాకు… ఇలాంటి పరిస్థితులు ఎదురయ్యాయి. తనను కాపాడాలని కన్నీటితో వేడుకుంటోంది.
దుబాయ్ లో మంచి జాబ్ ఇస్తానని చెప్పిన బ్రోకర్…ఆమెను దుబాయ్ షేక్ కు రెండు లక్షల రూపాయలకు అమ్మేశాడు. ఇప్పుడు ఆమెతో రోజుకు 18 గంటలు పనిచేయించుకుంటున్నాడు. గదిలో నిర్బంధించి బెల్ట్, వైరుతో రోజూ కొడుతున్నాడు. తనపై జరుగుతున్న ఆకృత్యాలను వీడియోలు తీసి కుటుంబ సభ్యులకు పంపడంతో ….సకీనా ఫాతిమా ఉదంతం వెలుగులోకి వచ్చింది. తన సోదరి ఇబ్బందులను చూసి సోదరుడు సయ్యద్ కేంద్రానికి లేఖ రాశాడు. తన సోదరిని కాపాడాలని లేఖలో కోరాడు.