Nagashourya Marriage : టాలీవుడ్ యంగ్ హీరో నాగశౌర్య ఓ ఇంటివాడయ్యాడు. ఇంటీరియల్ డిజైనర్ అనూష శెట్టితో ఏడడుగులు వేసి వివాహ బంధంలోకి అడుగుపెట్టాడు. ఉదయం 11 గంటల 25 నిమిషాలకు బంధుమిత్రులు, కుటుంబసభ్యుల నడుమ…. నాగశౌర్య-అనూషల వివాహం వైభవంగా జరిగింది. బెంగళూరులోని ఓ ఫైవ్ స్టార్ హోటల్ లో పెళ్లి వేడుక గ్రాండ్ గా జరిగింది.
టాలీవుడ్ కు చెందిన పలువురు ప్రముఖులు నాగశౌర్య పెళ్లికి హాజరై వధువరులను ఆశీర్వదించారు. శౌర్య పెళ్లికి సంబంధించిన ఫోటోలు ప్రస్తుతం నెట్టింట వైరల్ గా మారాయి. దీంతో పలువురు సెలబ్రెటీలు సహా నెటిజన్ల నుంచి కొత్త జంటకు శుభాభినందనలు వెల్లువెత్తుతున్నాయి.
నాగశౌర్య భార్య అనూష శెట్టి ఇంటీరియల్ డిజైనర్ గా పలు అవార్డులు అందుకున్నారు. కొన్నాళ్లుగా ఆమెకు నాగశౌర్యతో పరిచయం ఉంది. ఆ పరిచయం ప్రేమగా మారడంతో పెద్దలను ఒప్పించి పెళ్లి చేసుకున్నారు