Betel Leave Benefits: తమలపాకులను సాధారణంగా పూజ, పాన్ లకు ఉపయోగిస్తారని తెలుసు. పాన్ షాపు వద్ద అయితే తమలపాకులు ఎక్కువగా దొరుకుతాయి. అంతేకాదు ఏవైనా పండుగలు వస్తే చాలు దేవుడి పూజలో వాడడానికి తమలపాకులను వాడుతుంటారు. అయితే తమలపాకులతో అనేక ఆరోగ్య సమస్యలకు చెక్ పెట్టొచ్చు. ఛాతిలో కఫం, ఊపిరితిత్తుల సమస్యలు, ఆస్తమా వంటి వాటికి తమలపాకులు అద్భుతంగా పనిచేస్తాయని నిపుణులు చెబుతున్నారు.
తమలపాకులపై కొద్దిగా ఆవనూనె రాసి వేడి చేసి ఛాతిపై ఉంచితే నొప్పి వంటి సమస్యలు తగ్గిపోతాయి. అంతేకాదు తమలపాకులను నీటిలో ఉడకబెట్టి తినడం వల్ల కూడా మంచి జరుగుతుంది. మరోవైపు రెండు కప్పుల నీటిలో ఏలకులు, లవంగాలు దాల్చినచెక్క వేసి నీరు మరిగించి దానిని రెండు లేదా మూడురోజులకు ఒకసారి తాగడం వల్ల మంచి ప్రయోజనాలు ఉంటాయని ఆరోగ్య నిపుణులు చెబుతున్నారు.
Also Read: మజ్జిగలో ఉప్పు కలుపి తాగుతున్నారా..?
తలనొప్పిని తగ్గించేందుకు కూడా తమలపాకులు ముఖ్య పాత్ర పోషిస్తాయి. అంతేకాదు తమలపాకును పేస్ట్ చేసి గాయాలైన చోట రాయడం వల్ల నొప్పి నుంచి ఉపశమనం కలిగిస్తుంది. ఇక తమలపాకులను రసం చేసుకుని కూడా తాగడం వల్ల మంచి ప్రయోజనాలు ఉంటాయి. తమలపాకుల్లో యాంటీ ఆక్సిడెంట్ గుణాలు ఉంటాయి. అందువల్ల భోజనం తర్వాత తమలపాకును తినడం వల్ల త్వరగా జీర్ణం అవుతుంది. ఇక విటమిన్లు, పోషకాలు ఎక్కువగా ఉండడం వల్ల ప్రేగుకలు కూడా మేలు చేస్తుంది.