Kalki2898AD: పాన్ ఇండియా స్టార్ ప్రభాస్, దీపికా పదుకొనే జంటగా నాగ్ అశ్విన్ దర్శకత్వంలో తెరకెక్కుతున్న చిత్రం కల్కి2898AD. వైజయంతి మూవీస్ బ్యానర్ పై అశ్వినీదత్ ఎంతో ప్రతిష్టాత్మకంగా ఈ సినిమాను నిర్మిస్తున్నాడు. ఇక ఈ చిత్రంలో విశ్వనటుడు కమల్ హాసన్ విలన్ గా నటిస్తుండగా.. అమితాబ్ బచ్చన్, దిశా పటానీ కీలక పాత్రలో నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, టీజర్ ప్రేక్షకులను విశేషంగా ఆకట్టుకున్నాయి.
ఇక అన్ని కుదిరితే మేలో ఈ సినిమా ప్రేక్షకుల ముందుకు రావాల్సి ఉంది. కానీ, గత కొన్నిరోజులుగా ఈ సినిమా వాయిదా పడిందని వార్తలు వస్తున్నా విషయం తెల్సిందే. ఎప్పుడెప్పుడు మేకర్స్ ఈ విషయాన్ని అధికారికంగా ప్రకటిస్తారో అనిఅభిమానులు వేయికళ్లతో ఎదురుచూస్తున్నారు. ఇక తాజాగా కల్కి మేకర్స్ అభిమానులు షాక్ ఇచ్చారు. ఎలాంటి అప్డేట్ చెప్పకుండానే రేపు ఏదో కీలక అప్డేట్ ఇస్తున్నామని పోస్ట్ చేశారు. దానికి సమయం వచ్చింది అనే టైటిల్ ను రాసుకొచ్చారు. రేపు రాత్రి 7. 15 నిమిషాలకు స్టార్ స్పోర్ట్స్ లో మాత్రమే ఈ అప్డేట్ వస్తుందని తెలిపారు.
ఇక ఈ పోస్టర్ లో అమితాబ్ ను చూపించారు. అన్ని భాషల్లో సమయం వచ్చింది అని రాసుకొచ్చారు. ఇక ఈ సడెన్ సర్ ప్రైజ్ చూసి అభిమానులు సైతం కంగుతిన్నారు. అసలు ఆ అప్డేట్ ఏంటి.. ప్రభాస్ ను చూపించకుండా అమితాబ్ ను మాత్రమే ఎందుకు చూపించారు అనే అనుమానాలు తలెత్తుతున్నాయి. మరి ఆ ఎక్స్క్లూజివ్ అప్డేట్ ఏంటి అనేది తెలియాలంటే రేపటి వరకు ఆగాల్సిందే.
𝐓𝐡𝐞 𝐭𝐢𝐦𝐞 𝐡𝐚𝐬 𝐜𝐨𝐦𝐞 𝐭𝐨 𝐤𝐧𝐨𝐰 𝐰𝐡𝐨 𝐡𝐞 𝐢𝐬!
Exclusively on @StarSportsIndia at 7:15 PM on April 21st.#Kalki2898AD @SrBachchan @ikamalhaasan #Prabhas @deepikapadukone @nagashwin7@DishPatani @Music_Santhosh @VyjayanthiFilms @Kalki2898AD #IPLonStar pic.twitter.com/EvCB18YDJV
— Vyjayanthi Movies (@VyjayanthiFilms) April 20, 2024