Chitrapuri Housing Society Scam : చిత్రపురి హౌసింగ్ సొసైటీపై సీబీఐ విచారణ జరిపించాలని సీపీఐ జాతీయ కార్యదర్శి కె.నారాయణ డిమాండ్ చేశారు. సుమారు 300 కోట్ల రూపాయల అవకతవకలు జరిగాయని నారాయణ ఆరోపించారు. చిత్రపురి హౌసింగ్ సొసైటీ అక్రమాల పుట్టగా మారిందన్న నారాయణ.. కోఆపరేటివ్ సొసైటీ నిబంధనలకు విరుద్ధంగా సొసైటీ నిర్వహిస్తున్నారని మండిపడ్డారు. సినిమా పరిశ్రమతో సంబంధం లేనివారికి సొసైటీలో సభ్యత్వాలు కల్పించి.. హౌసింగ్ సొసైటీలో ఫ్లాట్లు, విల్లాలు కేటాయించారని నారాయణ ఆరోపించారు.