Aavesham: ఈ ఏడాది మలయాళం ఇండస్ట్రీ ఫుల్ ఫార్మ్ లో ఉంది అని చెప్పడంలో ఎటువంటి అతిశయోక్తి లేదు. వరుస సినిమాలను రిలీజ్ చేయడమే కాకుండా వరుస బ్లాక్ బస్టర్స్ ను అందుకుని ఇండస్ట్రీ మొత్తం మలయాళ సినిమాల గురించి మాట్లాడుకునేలా చేస్తుంది. ఇప్పటికే ప్రేమలు. మంజిమ్మెల్ బాయ్స్, భ్రమ యుగం సినిమాలతో మలయాళం ఇండస్ట్రీ.. హిట్ ఇండస్ట్రీ గా పేరు తెచ్చుకుంది.

ఇక తాజాగా మరో సినిమా.. ఆ హిట్ ఇండస్ట్రీలో యాడ్ అయింది. మలయాళ స్టార్ హీరో ఫహద్ ఫాజిల్ నటించిన తాజా చిత్రం ఆవేశం. జీతూ మాధవన్ దర్శకత్వం వహించిన ఈ చితం నిన్న థియేటర్ లో రిలీజ్ అయ్యి మంచి విజయాన్ని అందుకుంది. ఫహద్ నటన గురించి ప్రత్యేకంగా చెప్పాల్సిన అవసరం లేదు. ఆయన ఎంచుకొనే కథలలో ఎంతో కొంత సందేశం ఉంటుంది. ఇక ఈ సినిమాలో కూడా అదే పద్దతిని ఫాలో అయ్యాడు. అండర్ వరల్డ్ డాన్ రంగా.. కాలేజీ పిల్లల రక్షణ కోసం తన ఆవేశాన్ని వదిలి ఏం చేశాడు.. ? అనేది ఈ సినిమా కథ.

ఫహద్ వన్ మ్యాన్ షో అని అభిమానులు చెప్పుకొస్తున్నారు. అంతేకాకుండా సినిమాలో ఫహద్ డ్యాన్స్ అయితే నెక్ట్ లెవెల్ అని అంటున్నారు. ఎంత లేదనుకున్నా.. ఈ సినిమా రూ. 100 కోట్లు కలెక్ట్ చేస్తుందని మలయాళ అభిమానులు అంటున్నారు. ఇక హిట్ టాక్ అందుకోవడంతో తెలుగు అభిమానులు సైతం.. ఈ సినిమా తెలుగులో ఎప్పుడు వస్తుందా.. ? అని ఎదురుచూస్తున్నారు. త్వరలోనే ఈ సినిమా కూడా తెలుగులో వస్తుందేమో చూడాలి.

Share

• 
• 
• 
• 
• 
•