Poonam Kaur: మాయజాలం సినిమాతో తెలుగుతెరకు పరిచయమైన హీరోయిన్ పూనమ్ కౌర్. ఈ సినిమా మంచి విజయాన్ని అందుకోవడంతో ఆమెను చూసిన ప్రతి ఒక్కరూ పెద్ద స్టార్ హీరోయిన్ అవుతుందని అనుకున్నారు. కానీ కొన్ని సినిమాలకే పూనమ్ పరిమితమయ్యింది. సినిమాలకన్నా పూనమ్ వివాదాలతోనే ఎక్కువ ఫేమస్ అయ్యింది. పవన్ కళ్యాణ్ నటించిన జల్సా సినిమాలో పార్వతి మెల్టన్ పాత్ర ఆమె చేయాల్సి ఉందని, త్రివిక్రమ్ తనను ఆ పాత్ర చేయకుండా చేశాడని ఆరోపించింది. ఆ తర్వాత పవన్ తనను మోసం చేశాడని, తాము విడిపోవడానికి త్రివిక్రమ్ కారణం అని కూడా చెప్పుకొచ్చింది.

ఇక ఈ ఆరోపణలను రాజకీయ పార్టీలు పెద్దవిగా చేసి పవన్ పై విమర్శలు గుప్పిస్తూ వస్తున్నారు. ప్రస్తుతం సినిమాలకు దూరంగా ఉన్న పూనమ్ సందు దొరికినప్పుడల్లా త్రివిక్రమ్ పై మండిపడుతూనే ఉంటుంది. ఈమధ్య కూడా త్రివిక్రమ్ ను.. గురూజీ పేరుతో సోషల్ మీడియాలో ఎన్నో విమర్శలను చేసింది. ఇక అలాంటి పూనమ్ మొట్టమొదటిసారి పవన్ కు సపోర్ట్ గా నిలబడింది. ఒక వైసీపీ నేత చేసిన విమర్శలను ఒక్క మాటతో తిప్పికొట్టింది. వివరాల్లోకి వెళితే. సోషల్ మీడియాలో ఎన్నారై వైసీపీ నేత ప్రదీప్ రెడ్డి చింత.. గత కొన్నిరోజులుగా జనసేనను, టీడీపీ ను టార్గెట్ గా చేసి పోస్టులు చేస్తూ ఉన్నాడు.

ఇక ఈరోజు కూడా టెస్లా కంపెనీ అధినేత ఎలన్ మస్క్ ను ట్యాగ్ చేస్తూ.. ఏపీలో టెస్లా కంపెనీ పెట్టాలనుకుంటున్నట్లు తెలిపాడు. అంతేకాకుండా త్వరలోనే ఏపీ.. టెస్లా కంపెనీని ఇన్వైట్ చేసిన పోస్ట్ ను కూడా షేర్ చేశాడు. ఇక ఈ పోస్ట్ కు సమాధానంగా పూనమ్ గట్టి కౌంటర్ ఇచ్చింది. ఆయనకు మూడు పెళ్లిళ్లు అయ్యాయి.. అది మీకేం ప్రాబ్లెమ్ కాదా అని అడిగేసింది. మొదటి నుంచి వైసీపీ నేతలు.. మూడు పెళ్లిళ్లు చేసుకున్న పవన్ కళ్యాణ్ ఏపీ సీఎం ఎలా అవుతాడు అంటూ విమర్శిస్తూనే ఉన్నారు. ఇప్పుడు వారందరికీ కలిపి పూనమ్ సింగిల్ గా సమాధానం ఇచ్చి షాక్ ఇచ్చింది. ఇక ఈ ట్వీట్ చూసిన పవన్ ఫ్యాన్స్ .. ఏది ఇప్పుడు అనండి .. పవన్ మూడు పెళ్లిళ్లు అని కామెంట్స్ పెడుతున్నారు.  ప్రస్తుతం ఈ పోస్ట్ నెట్టింట వైరల్ గా మారింది. మరి ఈ కౌంటర్ పై వైసీపీ నేతలు ఎలా స్పందిస్తారో చూడాలి.

He is married three times – will that not be a problem ? https://t.co/JokclEHSK3

— पूनम कौर ❤️ poonam kaur (@poonamkaurlal) April 12, 2024

Share

• 
• 
• 
• 
• 
•