Rajamouli: సినిమా ఇండస్ట్రీలో ఎవరైనా తమ జీవితంలో దర్శకధీరుడు రాజమౌళి డైరెక్షన్ లో వర్క్ చేయాలి అనుకుంటారు. అయితే.. క్రికెటర్ డేవిడ్ వార్నర్ ఏకంగా రాజమౌళితో కలిసి నటించాడు. ఏంటి.. నిజమా అంటే అవును నిజం. రాజమౌళి ఈ మధ్యనే కొన్ని యాడ్స్ చేస్తున్న విషయం తెల్సిందే. తాజాగా ఆస్ట్రేలియన్ క్రికెటర్ డేవిడ్ వార్నర్ తో రాజమౌళి క్రెడ్ కు సంబంధించిన ఓ యాడ్ లో నటించాడు.
వార్నర్ గురించి సోషల్ మీడియా వాడే వారికి ప్రత్యేకంగా చెప్పాల్సిన అవసరం లేదు. ఆయన పుష్ప అల్లు అర్జున్ కు పెద్ద ఫ్యాన్. పుష్ప రిలీజ్ అయినదగ్గరనుంచి తగ్గేదేలే అంటూ రీల్స్ చేస్తూనే ఉన్నాడు. ఇండియా అంటే అంత అభిమానం ఆయనకు. ఎన్నోసార్లు మీమ్స్ లో వార్నర్ ను టాలీవుడ్ ఎంట్రీ ఇవ్వమని కూడా కామెంట్స్ చేస్తున్నారు. ఎట్టకేలకు ఈ యాడ్ ద్వారా ఆ కోరికను నెరవేర్చుకున్నారు వార్నర్. క్రెడ్ వాడితే.. డిస్కౌంట్ వస్తుంది అని చెప్పడానికి వీరు ఏకం అయ్యారు.
రాజమౌళి మ్యాచ్ టికెట్స్ ను డిస్కౌంట్ లో ఇప్పించమని వార్నర్ కు కాల్ చేయగా క్రెడ్ UPI లో కట్టమని సలహా ఇస్తాడు. అయితే రాజమౌళి తన దగ్గర అది లేదని, నార్మల్ UPI లో కడితే డిస్కౌంట్ ఇస్తారా.. ? అంటే.. వార్నర్ దానికి ఒక పని చేయాల్సి ఉంటుంది అని చెప్తాడు. అదే తనతో మరో ఆర్ఆర్ఆర్, బాహుబలి లాంటి సినిమాలు తీయాలని.. ఇక జక్కన్న ఆ విజువల్స్ ను ఫ్లాష్ లో వేసుకుంటాడు. అదంతా అయ్యేపని కాదని.. వద్దు.. నేను క్రెడ్ లోనే కట్టుకుంటాను అని చెప్పడంతో యాడ్ ముగిసింది. ఏదిఏమైనా రాజమౌళి దర్శకత్వంలో వార్నర్ టాలీవుడ్ ఎంట్రీ నిజంగా ఇవ్వకపోయినా.. ఈ యాడ్ ద్వారా కానిచ్చేశాడు అని అభిమానులు చెప్పుకొస్తున్నారు. ప్రస్తుతం ఈ వీడియో నెట్టింట వైరల్ గా మారింది.
Thanks, haha this was awesome https://t.co/4lNdX4pGvB
— David Warner (@davidwarner31) April 12, 2024