Telangana State Weather Update: మాడు పగిలే ఎండలతో తల్లడిల్లిపోతున్న రాష్ట్ర ప్రజలకు హైదరాబాద్ వాతావరణ శాఖ కూల్ కూల్ న్యూస్ చెప్పింది. రాష్ట్రంలో నాలుగు రోజుల పాటు తేలికపాటి నుంచి మోస్తరు వర్షాలు కరిసే అవకాశం ఉందని వెల్లడించింది.

రాగల నాలుగు రోజులు ఉత్తర తెలంగాణ జిల్లాల్లో వర్షాలు కురిసే అవకాశం ఉందని హైదరాబాద్ కేంద్రంగా పనిచేసున్న వాతావరణ శాఖ అధికారులు తెలిపారు. ఉరుములు, మెరుపులు, ఈదురుగాలులతో వర్షాలు కురిసే అవకాశాలు ఉన్నాయని ఐఎండీ పేర్కొంది.

భారీ వర్షాలు కురిసే అవకాశం ఉన్నందున పలు జిల్లాలకు వాతావారణ శాఖ ఎల్లో అలర్ట్ జారీ చేసింది. గురువారం నుంచి ఆదివారం వరకు రాష్ట్రంలోని ఆదిలాబాద్, మంచిర్యాల, నిర్మల్, నిజామాబాద్, రాజన్న సిరిసిల్ల, వికారాబాద్, సంగారెడ్డి, మెదక్, కామారెడ్డి జిల్లాల్లో అక్కడక్కడ మోస్తరు నుంచి భారీ వర్షపాతం నమోదయ్యే సూచనలు ఉన్నాయని ఐఎండీ తెలిపింది.

Also Read: సీబీఐ అరెస్ట్.. ఎమ్మెల్సీ కవితకు కోర్టులో మరో షాక్..!

హైదరాబాద్ లో ఆకాశం మేఘావృతమై ఎండ వేడి తక్కుముఖం పట్టే అవకాశాలు ఉన్నట్లు వాతావరణ శాఖ పేర్కొంది. గరిష్ఠి, కనిష్ఠ ఉష్ణోగ్రతలు 36-26 డిగ్రీల మధ్య ఉండే అవకాశం ఉందని తెలిపింది. ఉపరితల గాలులు ఆగ్నేయ దిశ నుంచి వీచే అవకాశం ఉన్నట్లు స్పష్టం చేసింది.

Share

• 
• 
• 
• 
• 
•