CBI Arrested MLC Kavitha: బీఆర్ఎస్ ఎమ్మెల్సీ కవితకు కష్టాలు రెట్టింపయ్యాయి. ప్రస్తుతం జ్యుడీషియల్ కస్టడీలో ఉన్న ఆమెని గురువారం సీబీఐ అరెస్ట్ చేసింది. లిక్కర్ కేసులో ఆమెను అదుపులోకి తీసుకున్నట్లు తెలుస్తోంది.
ఈనెల ఆరున సీబీఐ ఆమెని తీహార్ జైలులో విచారించింది. అయితే సీబీఐ విచారించడంపై కవిత పిటీషన్ దాఖలు చేశారు. దీనిపై బుధవారం రౌస్ అవెన్యూ కోర్టులో వాదనలు జరిగాయి. ఆమెని విచారించేందుకు మహిళ కానిస్టేబుల్ ఉండాలనే షరతు న్యాయస్థానం విధించింది. ముందుగా సమాచారం ఇవ్వాలని పేర్కొంది. న్యాయస్థానం చెప్పిన 24 గంటల్లోపు ఆమెని అరెస్ట్ చేసింది సీబీఐ. లిక్కర్ కేసులో ఆమెని విచారించిన తర్వాత న్యాయస్థానంలో సీబీఐ హాజరుపరచనుంది.
లిక్కర్ కేసులో ముఖ్యంగా వంద కోట్ల ముడుపులు వ్యవహారంపై దృష్టి పెట్టనుంది సీబీఐ. సౌత్ గ్రూప్కి చెందిన ఆధారాలు మా వద్ద ఉన్నాయనేది ఈడీ వాదన. ఈ క్రమంలో సీఎం అరవింద్ కేజ్రీవాల్ను సీబీఐ అరెస్ట్ చేసే అవకాశముందని సమాచారం. గతంలో మాజీ డిప్యూటీ సీఎం మనీష్ సిసోడియాకు ఇదే విధంగా జరిగిందని నేతలు చెబుతున్నారు. ఈ కేసులో అరెస్టయిన నేతలను గమనిస్తే.. ఆరు నెలల వరకు ఎవరికీ బెయిల్ వచ్చిన సందర్భాలు లేవు. అప్రూవల్గా మారిన కొంతమంది నిందితులకు మాత్రమే బెయిల్ లభించింది.