Delhi High Court Refused Pil to Remove Kejriwal as CM:
Arvind Kejriwal Arrest Updates: ఢిల్లీ సీఎం అరవింద్ కేజ్రీవాల్‌కు ఊరట లభించింది. ఆయనను ముఖ్యమంత్రి పదవి నుంచి తొలగించాలని కోరుతూ దాఖలైన పిటిషన్‌ను ఢిల్లీ హైకోర్టు విచారణకు స్వీకరించలేదు. పదవిలో కొనసాగాలా వద్దా అనేది అరవింద్ కేజ్రీవాల్ వ్యక్తిగతమని స్పష్టం చేసింది.

ఢిల్లీ సీఎం అరవింద్ కేజ్రీవాల్‌ను పదవి నుంచి తప్పించాలని కోరుతూ హిందూసేన అధ్యక్షుడు విష్ణు గుప్తా  హైకోర్టులో పిటిషన్ దాఖలు చేశారు. ఈ పిటిషన్ జస్టిస్ మన్మీత్ ప్రీతమ్ సింగ్ అరోడా, మన్మోహన్ తో ‌కూడిన ఈ పిటిషన్ ధర్మాసనం కొట్టేసింది.

అరవింద్ కేజ్రీవాల్ సీఎం పదవిలో కొనసాగాలా వద్దా అనే విషయంలో ఢిల్లీ లెఫ్టినెంట్ గవర్నర్ గానీ రాష్ట్రపతి గానీ నిర్ణయం తీసుకోవాలని హైకోర్టు అభిప్రాయపడింది. పాలన కొనసాగడం లేదని తాము ఎలా నిర్ణయిస్తామని పేర్కొంది. లైఫ్టి నెంట్ గవర్నర్ ఈ విషయంలో నిర్ణయం తీసుకోవాలన్నారు. ఆ విషయంలో సలహా ఇచ్చే అవకాశం న్యాయస్థానానికి లేదని స్పష్టత నిచ్చింది.

Also Read: నేడు కవిత బెయిల్ పిటిషన్ పై విచారణ

ఢిల్లీ సీఎం అరవింద్ కేజ్రీవాల్‌ను పదవి నుంచి తప్పించాలని కోరుతూ ఇంతకుముందు సూరజ్ సింగ్ యాదవ్ అనే వ్యక్తి మార్చి 28న పిటిషన్ దాఖలు చేశారు. ఆ పిటిషన్ కూడా ఢిల్లీ హైకోర్టు కొట్టివేసింది.

మరో వైపు ఈడీ అరెస్ట్ ను సవాల్ చేస్తూ ఢిల్లీ హైకోర్టులో ఢిల్లీ సీఎం అరవింద్ కేజ్రీవాల్ పిటిషన్ దాఖలు చేశారు. ఈ పిటిషన్ ను ఢిల్లీ హైకోర్టు న్యాయమూర్తి జస్టిస్ స్వర్ణకాంత శర్మ నేతృత్వంలోని ధర్మాసనం బుధవారం విచారణ చేపట్టింది. అరవింద్ కేజ్రీవాల్ తరఫున సీనియర్‌ న్యాయవాది అభిషేక్‌ మను సింఘ్వీ, విక్రమ్ చౌధరీలు వాదనలు వినిపించారు. ఈ పిటిషన్ తీర్పు గురువారానికి వాయిదా పడింది.

Share

• 
• 
• 
• 
• 
•