Brahmanandam: హాస్య బ్రహ్మ బ్రహ్మానందం- మెగాస్టార్ చిరంజీవి మధ్య ఉన్న బాండింగ్ గురించి ప్రత్యేకంగా చెప్పాల్సిన అవసరం లేదు. బ్రహ్మానందాన్ని ఇండస్ట్రీకి పరిచయం చేసింది చిరునే అన్న విషయం చాలా తక్కువమందికి తెలుసు. ఎన్నోసార్లు బ్రహ్మీ ఈ విషయాన్నీ చెప్పుకొచ్చారు. చిరంజీవి.. తనలో ఉన్న నటుడునే కాదు లెక్చరర్ ను కూడా గౌరవిస్తారని తన బుక్ లో రాసుకొచ్చారు. ఇక నిన్న జరిగిన సావిత్రి క్లాసిక్ బుక్ లాంచ్ లో చిరు, బ్రహ్మీ సందడి చేశారు. రావడం రావడమే బ్రహ్మీ.. చిరు కాళ్లను మొక్కడానికి ప్రయత్నించాడు. వెంటనే చిరు ఆయనను వారించి కౌగిలించుకున్నారు. ఇందుకు సంబంధించిన వీడియో నెట్టింట వైరల్ గా మారింది. అయితే చాలామంది బ్రహ్మీ ఏంటి చిరు కాళ్లు మొక్కడం ఏంటి.. ? అంటూ కామెంట్స్ చేస్తున్నారు.

బ్రహ్మీ, చిరు వయస్సు 68 సంవత్సరాలే. వారి మధ్య అనుబంధం కూడా ఎన్నో ఏళ్ళ నుంచి ఉంది. చిరు అంటే బ్రహ్మీకి ఎనలేని అభిమానం. లెక్చరర్ గా పనిచేస్తూ.. నటనపై ఆసక్తితో జంధ్యాలను కలుసుకోవడానికి వచ్చారు. ఆ సమయంలోనే చిరు చంటబ్బాయ్ సినిమా షూటింగ్ జరుగుతుంది. అక్కడ చిరు గెటప్ చూసి బ్రహ్మీ నవ్వాడట. వెంటనే చిరుకు కోపం వచ్చి.. ఎవరయ్యా అతను.. చాలా డిస్టర్బ్ చేస్తున్నాడు.. బయటికి పంపించేయండి అన్నారట. ఇక జంధ్యాల జోక్యం చేసుకొని బ్రహ్మానందం ఒక లెక్చరర్ అని పరిచయం చేయగానే చైర్ లో నుంచి లేచి మాట్లాడి పంపారట.

ఇక ఉన్న కొద్దిసేపు కూడా తన ఛలోక్తులుతో కడుపుబ్బా నవ్వించడంతో మంచి కమెడియన్ అవుతావని చిరంజీవి చెప్పారట. అంతేకాకుండా చంటబ్బాయ్ సినిమాలో ఒక చిన్న పాత్రలో కూడా నటించాడు బ్రహ్మీ. అనంతరం జంధ్యాల దర్శకత్వంలో వచ్చిన అహ నా పెళ్ళంట సినిమాలో అరగుండు పాత్రలో నటించి మెప్పించాడు. ఈ సినిమా తరువాత ఆయన వెనక్కి తిరిగి చూసుకోలేదు. ఇక ఆ గౌరవం, ప్రేమతోనే బ్రహ్మీ.. చిరు కాళ్లు మొక్కినట్లు తెలుస్తోంది.

Hasya Brahma #Brahmanandam garu greets Megastar #Chiranjeevi garu at #SavitriClassics Book Launch Event

Boss @KChiruTweets #Vishwambhara #MegastarChiranjeevi pic.twitter.com/BmokU2W5N4

— Chiranjeevi Army (@chiranjeeviarmy) April 2, 2024

Share

• 
• 
• 
• 
• 
•