Tillu Square Collections: కొన్ని సినిమాలు భారీ అంచనాలతో వచ్చి బాక్సీఫీసు వద్ద డిజాస్టర్‌గా మారుతుంటాయి. మరికొన్ని మాత్రం ఎలాంటి అంచనాలు లేకుండా వచ్చి బ్లాక్ బస్టర్ హిట్ అందుకుని కలెక్షన్ల వర్షం కురిపిస్తుంటాయి. ఈ ఎక్జాంపుల్ ఇప్పుడు టిల్లు స్క్వేర్ మూవీకి వర్తిస్తుంది. ఎప్పుడో గత రెండు సంవత్సరాల క్రితం ఎలాంటి అంచనాలు లేకుండా వచ్చింది డీజే టిల్లు మూవీ.

ఆ సమయంలో ప్రేక్షకుల్ని విపరీతంగా అలరించింది. కామెడీ టైమింగ్‌తో క్రైమ్ థ్రిల్లర్‌గా వచ్చి అందరినీ ఆకట్టుకుంది. అయితే ఇప్పుడు ఆ మూవీకి సీక్వెల్ తెరకెక్కింది. ‘టిల్లు స్క్వేర్’గా ప్రేక్షకుల ముందుకు వచ్చింది. మార్చి 29న రిలీజ్ అయిన ఈ సినిమా అద్భుతమైన రెస్పాన్స్‌ను అందుకుంటోంది.

ఫస్ట్ పార్ట్ మంచి హిట్ అవడంతో సీక్వెల్‌పై ఫస్ట్ నుంచే పాజిటీవ్ రెస్పాన్స్ ఉంది. అందులోనూ పోస్టర్స్, గ్లింప్స్, టీజర్, ట్రైలర్‌తో మరింత హైప్ ఏర్పడింది. దీంతో సినిమా రిలీజ్ అవ్వగానే సినీ ప్రియులు థియేటర్లకు పరుగులు పెట్టారు. ఇందులో కూడా కామెడీ టైమింగ్‌తో పాటు రొమాన్స్‌ను యాడ్ చేశారు. దీంతో సినిమాపై రెస్పాన్స్ మరో స్థాయికి చేరుకుంది.

Also Read: పూజా హెగ్డే బాయ్ ఫ్రెండ్ ఇతడేనా?.. వైరల్ అవుతున్న వీడియో

రెండు గంటల నిడివితో వచ్చి నాన్ స్టాప్ కామెడీ ఎంటర్‌టైనర్‌తో కడుపుబ్బా నవ్వించేసింది. ఇదే క్రమంలో థియేటర్లు వద్ద హౌస్‌ఫుల్ బోర్డులు పెట్టే పరిస్థితి వచ్చింది. ఇక వసూళ్ల పరంగా ఈ మూవీ మోత మోగించేస్తోంది. రిలీజ్ అయిన ఫస్ట్ రోజునే ప్రపంచ వ్యాప్తంగా ఏకంగా రూ.23.7 కోట్లు వసూళు చేసింది. ఇక రెండో రోజు మొత్తం రూ.45.3 కోట్ల గ్రాస్ కలెక్ట్ చేసి దుమ్ము దులిపేసింది.

ఇక మూడో రోజుకు వచ్చేసరికి మరిన్ని వసూళ్లను రాబట్టింది. మొత్తంగా మూడు రోజుల్లు టిల్లు స్క్వేర్ మూవీ రూ.68.1 కోట్ల గ్రాస్ కలెక్షన్స్ రాబట్టి అబ్బురపరచింది. దీంతో అతి తొందర్లోనే ఈ సినిమా రూ.100 కోట్ల క్లబ్‌లో చేరబోతుందని ట్రెడ్ నిపుణులు అభిప్రాయపడుతున్నారు.

#TilluSquare 3 Days poster💥💥💥💥 pic.twitter.com/2e5pTqzi9X

— T2BLive.COM (@T2BLive) April 1, 2024

మల్లిక్ రామ్ దర్శకత్వంలో తెరకెక్కిన ఈ మూవీ స్టార్ బాయ్ సిద్దు హీరోగా నటించి అదరగొట్టేశాడు. అంతేకాకుండా అనుపమపరమేశ్వరన్ కూడా తన అందం, యాక్టింగ్, రొమాంటిక్ సీన్లతో యూత్‌ని కట్టిపడేసింది. మరెందుకు మీరు కూడా ఇంకా సినిమా చూసుండకపోతే వెంటనే చూసి కడుపుబ్బా నవ్వుకోండి.

Share

• 
• 
• 
• 
• 
•