Hyderabad Abdullapurmet : హైదరాబాద్ సరిహద్దు ప్రాంతం అబ్దుల్లాపూర్మెట్టులో అక్రమ నిర్మాణాలపై రెవెన్యూ అధికారులు దృష్టి సారించారు. ప్రభుత్వస్థలాన్ని ఆక్రమించుకుని అక్రమంగా నిర్మాణాలు చేపట్టారని గుర్తించి కూల్చివేతలకు పూనుకున్నారు. భారీ పోలీస్ బందోబస్తుతో కూల్చివేతలు చేపట్టారు రెవెన్యూ అధికారులు. ఐతే అక్కడి స్థానికులు కూల్చివేతలను అడ్డుకునే ప్రయత్నం చేయడంతో ఉద్రిక్తత చోటు చేసుకుంది. రెవెన్యూ అధికారులకు వ్యతిరేకంగా ఆందోళన చేపట్టారు. అధికారులతో వాగ్వాదానికి దిగారు.