Hanuman Streaming in Zee5 OTT Platform: హనుమాన్ .. స్టార్ హీరోలు ఇందులో నటించలేదు. స్టార్ డైరెక్టర్ తెరకెక్కించ లేదు. భారీ బడ్జెట్ పెట్టలేదు. కానీ పాన్ ఇండియా మూవీగా వచ్చి హనుమాన్ ఎన్నో రికార్డులు క్రియేట్ చేసింది. ఈ మూవీ యావత్ భారత్ దేశవ్యాప్తంగా జైశ్రీరామ్ నినాదాలు మారు మోగేలా చేసింది. చిన్న సినిమాగా తెరకెక్కిన ఈ మూవీ సంచలన విజయాన్ని అందుకుంది. యావత్ దేశాన్ని ఊపేసింది. కలెక్షన్ల సునామీ సృష్టించింది.

అయోధ్య రామమందిరం ప్రారంభోత్సవానికి 10 రోజుల ముందు హనుమాన్ థియేటర్లలో విడుదలైంది. అప్పటికే దేశంలో శ్రీరామ నామ స్మరణ జరుగుతోంది. ఈ అంశం కూడా ఈ సినిమాకు ఆదరణ పెంచేలా చేసింది. అందుకే అంతటి ఘన విజయాన్ని అందుకుంది. తెలుగురాష్ట్రాల్లో భారీ వసూళ్లు రాబట్టింది. బాలీవుడ్ లోనూ కనక వర్షం కురిపింది.

హనుమాన్ ఓటీటీ రిలీజ్ ఎప్పుడా అని ప్రేక్షకులు రెండు నెలలుగా ఎదురుచూస్తున్నారు. వారి నిరీక్షణ తెరపడింది. జియో సినిమాలో శనివారం రాత్రి 8 గంటల నుంచి హనుమాన్ స్ట్రీమింగ్ అవుతోంది. కానీ హిందీ వెర్షన్ మాత్రమే అందుబాటులో ఉంది. ఈ మూవీ హిందీలో అందుబాటులో ఉండటంపై ప్రేక్షకులు ఆనందం వ్యక్తం చేస్తున్నారు. క్లైమాక్స్ విజువల్స్ షేర్ చేసి మరి తమ సంతోషాన్ని పంచుకుంటున్నారు. ఈ మూవీలో హీరోగా నటించిన తేజ సజ్జా పై ప్రశంసలు కురిపిస్తున్నారు.

Also Read: ఘనంగా వెంకటేశ్ కూతురి పెళ్లి.. ఫొటోలు వైరల్

అలాగే జీ5లోకి హనుమాన్ అందుబాటులోకి వచ్చింది. కానీ షరతులు వర్తిస్తాయి. సబ్ స్క్రిప్షన్ ఉన్నా చూడలేరు. ఈ మూవీ చూడాలంటే జీ5లో డబ్బులు చెల్లించాలి. దీనిపై ప్రేక్షకులు ఆగ్రహం వ్యక్తం చేస్తున్నారు.

హనుమాన్ తెలు వెర్షన్ ఇంకా ఓటీటీలోకి రాకపోవడంపై టాలీవుడ్ ప్రేక్షకులు ఆగ్రహంగా ఉన్నారు. దక్షిణాది భాషల్లో ఎప్పుడు ఓటీటీల్లోకి వస్తుందని ప్రశ్నిస్తున్నారు. హనుమాన్ మూవీని యువ డైరెక్టర్ ప్రశాంత్ వర్మ తెరకెక్కించాడు. సూపర్ హీరో స్టోరికి పురాణాన్ని లింకు చేసి ప్రేక్షకులకు కనెక్ట్ అయ్యేలా తీర్చిదిద్దాడు. ఈ మూవీలో అమృత అయ్యర్ హీరోయిన్ గా నటించింది. వరలక్ష్మి శరత్ కుమార్ కీలక పాత్ర పోషించింది. వెన్నెల కిషోర్ కామెడీతో నవ్వించాడు. వినయ్ రాయ్ తనదైన విలక్షణ నటనతో మెప్పించాడు.

Share

• 
• 
• 
• 
• 
•