Hero Vida V1 Plus: ప్రస్తుత కాలంలో ఎలక్ట్రిక్ వాహనాల వినియోగం విపరీతంగా పెరిగిపోయింది. పెట్రోల్, డీజిల్ ధరలు అధికమవడంతో ఎలక్ట్రిక్ వాహనాలకు డిమాండ్ భారీ స్థాయిలో ఉంది. అంతేకాకుండా కేవలం తక్కువ ఖర్చుతో 100కి పైగా మైలేజీతో వాహన ప్రియులను ఆకట్టుకుంటున్నాయి. సేఫ్టీ పరంగా కూడా ఈ వాహనాలు చాలా బాగుండటంతో వినియోగదారులు ఎగబడి కొనేస్తున్నారు.
అయితే ఈ ఎలక్ట్రిక్ వాహనాల్లో ప్రముఖ టూవీలర్ సంస్థ హీరో మోటోకార్ప్ విడా అత్యంత ప్రజాదరణ పొందింది. అద్భుతమైన ఫీచర్లతో వాహనప్రియులను బాగా ఆకట్టుకుంటోంది. ఇప్పటికే ఈ కంపెనీ నుంచి వచ్చిన చాలా మోడళ్లకి అదిరిపోయే రెస్పాన్స్ వచ్చింది.
కాగా తాజాగా హీరో మోటోకార్ప్ తక్కువ ధరతో మరో మోడల్ను పరిచయం చేసింది. విడా వి1 ప్లస్(Hero Vida V1 Plus) స్కూటర్ని మళ్లీ రీలాంచ్ చేసింది. ఈ స్కూటర్ ధరను కూడా వెల్లడించింది. ప్రస్తుతం అందుకు సంబంధించిన ధర, ఫీచర్లు గురించి పూర్తి వివరాలు తెలుసుకుందాం..
READ MORE: ఈ 5 బైక్స్ సూపరో సూపర్.. మైలేజ్ ఎక్కువ.. ధర రూ. లక్ష లోపే!
ధర, ఫీచర్లు:
హీరో మోటోకార్ప్ విడా వి1 ప్లస్ స్కూటర్ని తక్కువ ధరతో మళ్లీ లాంచ్ చేసింది. ఈ స్కూటర్ ఇప్పుడు రూ.1.15 లక్షల (ఎక్స్-షోరూమ్) ధరలో అందుబాటులో ఉంది. ఈ టాప్ మోడల్ వి1 ప్రో కంటే రూ.30,000 తక్కువ.
అయితే, FAME II సబ్సిడీ, రాష్ట్ర EV సబ్సిడీ, డీలర్ డిస్కౌంట్లను ఫ్యాక్టరింగ్ చేసిన తర్వాత.. దీని ధర రూ.1 లక్ష కంటే తక్కువకు తగ్గే అవకాశం ఉంది. ఈ స్కూటర్ని ఢిల్లీలో కేవలం రూ.97,800కే కొనుగోలు చేయవచ్చు.
ఏథర్ 450S, ఓలా ఎస్2 ఎయిర్, బజాజ్ చేతక్, టీవీఎస్ ఐక్యూబ్, సింపుల్ డాట్ వన్ వంటి స్కూటర్లకు వ్యతిరేకంగా ఇది మంచి ఎంపిక అనే చెప్పొచ్చు. విడా వి1 ప్లస్, వి1 ప్రో రెండూ ఒకే 3.9 kW ఎలక్ట్రిక్ మోటారును కలిగి ఉన్నాయి. ఇది 6kW శక్తిని ఉత్పత్తి చేస్తుంది. కానీ, ఈ రెండు స్కూటర్ల బ్యాటరీలు భిన్నంగా ఉంటాయి.
READ MORE: హీరో మోటోకార్ప్ నుంచి మరో స్టైలిష్ బైక్ లాంచ్.. ధర ఎంతంటే..?
వి1 ప్రో 3.94 kWh బ్యాటరీని కలిగి ఉంది. ఇది 110 కి.మీ మైలేజీని అందిస్తుంది. అయితే వి1 ప్లస్ 3.44 kWh బ్యాటరీని కలిగి ఉంది. ఇది 100 కి.మీ మైలేజీని అందిస్తుంది.
కాగా ఈ రెండు స్కూటర్లు గంటకు 80 కిలోమీటర్ల వేగంతో ప్రయాణిస్తాయి. కానీ 0 నుండి 40 kmph వరకు వేగవంతం కావడానికి వి1 ప్లస్ 3.4 సెకన్లు తీసుకుంటుంది. అలాగే వి1 ప్రోకి 3.2 సెకన్లు పడుతుంది.
అలాగే ఈ రెండు స్కూటర్లు.. వి1 ప్లస్, వి1 ప్రో రెండూ ఒకే విధమైన లక్షణాలను కలిగి ఉన్నాయి. వీటిలో పూర్తిగా డిజిటల్ ఇన్స్ట్రుమెంట్ క్లస్టర్, LED లైటింగ్, మల్టిపుల్ రైడింగ్ మోడ్లు, స్మార్ట్ఫోన్ కనెక్టివిటీ వంటి ఫీచర్లు ఉన్నాయి.
READ MORE: మార్కెట్లోకి మరో కొత్త యమహా బైక్.. ఫీచర్స్ అదుర్స్.. ధర రూ.1.36 లక్షలే!
అంతేకాకుండా ఈ స్కూటర్లలో వెహికల్ డయాగ్నోస్టిక్స్, లైవ్ ట్రాకింగ్, జియో ఫెన్సింగ్ వంటి కనెక్ట్ చేయబడిన ఫీచర్లు కూడా ఉన్నాయి. రెండు స్కూటర్లను టూ-సీటర్ స్కూటర్లుగా ఉపయోగించడమే కాకుండా.. మీరు వాటిని సింగిల్ సీట్ మోడల్లుగా కూడా ఉపయోగించవచ్చు.