Gaami Trailer: విశ్వక్సేన్ హీరోగా నటించిన గామి మూవీ ప్రేక్షకుల్లో ఎంతో ఆసక్తిని పెంచేస్తోంది. ఇప్పటికే విడుదలైన ఫస్ట్ లుక్ , టీజర్ ఈ మూవీపై అంచనాలు పెంచేశాయి. తాజాగా విడుదలైన ట్రైలర్ ఈ అంచనాలు మరింత పెంచేలా ఉంది.
అఘోరా గెటప్ లో విశ్వక్ సేన్ అద్భుతంగా నటించాడని ట్రైలర్ ను చూస్తే అర్థమవుతోంది. ఈ సినిమా ఎ సస్పెన్ష్ హర్రర్ థ్రిల్లర్ గా ఉంటుందని ట్రైలర్ ద్వారా చెప్పకనే చెప్పారు. ఓవరాల్ గా కథ ఏంటో మాత్రం రివీల్ చేయలేదు. ఒక విచిత్ర వ్యాధి ఉన్న వ్యక్తి చుట్టూ ఈ సినిమా కథ నడుస్తుందని ట్రైలర్ లోని సీన్స్ చెబుతున్నాయి.
విశ్వక్ పాత్ర ఎంతో ఆసక్తిని రేపుతోంది. అతడు అఘోరా గెటప్లో ఉన్నాడు. అతనికి మానవ స్పర్శ అంటే ఎందుకు భయం? అతని జీవిత ప్రయాణం ఎలా సాగుతుంది? హీరోయిన్ పాత్రకు విశ్వసేన్ పాత్రకు మధ్య సంబంధం ఏంటి ? ఇలాంటి అంశాలను ట్రైలర్ లో ఎక్కడా రివీల్ చేయలేదు. మొత్తంగా చూస్తే విచిత్ర వ్యాధి, మూఢనమ్మకం, పరిశోధన ఈ మూడు అంశాల చుట్టూ కథనం నడుస్తుందని అర్థమవుతోంది.
Read More: దృశ్యం చిత్రానికి మరో ఘనత.. హాలీవుడ్లో రీమేక్ కానున్న తొలి భారతీయ సినిమా..
గామి మూవీకి విధ్యాధర్ కాగిత దర్శకత్వం వహించారు. వి సెల్యులాయిడ్ పతాకంపై కార్తీక్ శబరీష్ ఈ చిత్రాన్ని నిర్మించారు. చాందిని చౌదరి హీరోయిన్ గా నటించింది. నరేశ్ కుమారన్ ఈ మూవీకి సంగీతం అందించారు. విశ్వనాథ్ రెడ్డి ఛాయాగ్రాహకుడిగా పనిచేశారు. ఆయన కెమెరా పనితనం అద్భుతంగా ఉందని ట్రైలర్ స్పష్టంచేస్తోంది.
గామీ మూవీని విజువల్ వండర్ గా తీర్చిదిద్దే ప్రయత్నం జరిగింది. గ్రాఫిక్స్ అదిరిపోయాయి. బ్యాక్ గ్రౌండ్ మ్యూజిక్ గూస్ బంప్స్ రప్పించేలా ఉంది.