Fire Accident in Akash Byju’s(AP latest news): విశాఖలోని గాజువాక ఆకాష్ బైజూస్ విద్యాసంస్థల్లో మంగళవారం ఉదయం భారీ అగ్నిప్రమాదం జరిగింది. మెయిన్ రోడ్డులోని వైభవ్ జ్యూవెలరీ షాపు కాంప్లెక్స్ రెండో అంతస్తులో మంటలు చెలరేగగా.. 3 అంతస్థులు అగ్నికి ఆహుతి అయ్యాయి. భారీగా ఆస్తి నష్టం వాటిల్లింది. ఇన్ స్టిట్యూట్ లో ఉన్న కంప్యూటర్లు, స్టడీ మెటీరియల్స్ పూర్తిగా దగ్ధమైనట్లు తెలుస్తోంది. ఎగసి పడుతున్న మంటలను ఆర్పేందుకు అగ్నిమాపక శకటాలు ప్రయత్నిస్తున్నాయి. అయినా మంటలు అదుపులోకి రాలేదు.
Read More : AP&TS Road Accidents : నెత్తురోడిన రహదారులు.. నలుగురు మృతి
కాగా.. ఈ ప్రమాదంలో ఎవరికీ ఎలాంటి హానీ జరగలేదని అగ్నిమాపక సిబ్బంది తెలిపారు. ఘటనా ప్రాంతాన్ని పోలీసులు పరిశీలించి.. కేసు నమోదు చేశారు. అగ్నిప్రమాదం ఎలా జరిగింది ? షార్ట్ సర్క్యూటే కారణమా ? లేక మరేదైనా కారణం ఉందా ? అన్న కోణంలో పోలీసులు దర్యాప్తు చేస్తున్నారు. వేకువజామునే భారీ అగ్నిప్రమాదం జరగడంతో స్థానికులు భయాందోళనకు గురయ్యారు.