Google Clarity on Gmail Shutdown: గత కొన్ని రోజులు ఇ- మెయిల్ సర్వీస్ జీ మెయిల్ సేవలు నిలిపివేస్తారంటూ సోషల్ మీడియాలో పోస్టులు చక్కర్లు కొడుతున్నాయి. ఆగస్టు 1 నుంచి ఈ సర్వీసులు నిలిచిపోనున్నాయని ఆ సర్వీసుల సారాంశం, దీనిపై గూగుల్ స్పష్టతనిచ్చింది. తమ సేవలు ఎప్పటిలాగే కొనసాగుతాయని వెల్లడించింది గూగుల్.
గత కొన్నేళ్లుగా లక్షలాది మందికి ఇ-మెయిల్ సేవలు అందిస్తున జీమెయిల్ త్వరలోనే మూతపడబోతోందని, 2024 ఆగస్టు1 నుంచి ఈ సర్వీసులు నిలిచిపోనున్నాయంటూ ఓ స్క్రీన్ షాట్ సామాజిక మాధ్యమాల్లో కొన్ని రోజులుగా చక్కర్లు కొడుతోంది. ఇకపై మెయిల్స్ పంపించడం గానీ, పొందడం గాన చేయలేరంటూ జీమెయిలే స్వయంగా ఓ యూజర్ కు తెలియజేసినట్లు ఆ స్క్రీన్ షట్ లోఉంది. అది కాస్తా ఎక్స్ టిక్ టాక్ లో వైరల్ గా మారింది. దీంతో చాలా మంది జీమెయిల్ యూజర్లు ఆందోళన వ్యక్తం చేశారు.
జీ మెయిల్ మూసి వేస్తారనే ప్రచారం పై గూగల్ తాజాగా స్పందించింది. జీ మెయిల్ అధికారిక ఎక్స్ ఖాతా నుంచే ఈ సేవలు కొనసాగుతాయంటూ ఓ పోస్ట్ పెట్టింది. తద్వరా సోషల్ మీడియాలో జరుగుతున్న అబద్దపు ప్రచారానికి చెక్ పెట్టింది. ఈ ప్రచారంపై టెక్ నిపుణులు సైతం ఆందోళన వ్యక్తం చేశారు. ఈ తరహా ప్రకటనలను ఆదిలోనే అంతం చేయాల్సిన అవసరం ఉందని గూగుల్ పేర్కొంది.
Read More: ఇన్ స్టంట్ లోను తీసుకోవాలనుకుంటున్నారా ? అయితే ఈ విషయాలు తెలుసుకోవాల్సిందే..
వాస్తవానికి ఈ ఏడాది జనవరి నుంచి జీమెయిల్ తన హెచ్ టీఎంఎల్ వెర్షన్ సర్వీసులను మాత్రమే నిలిపివేసింది. నెట్ వర్క్ సరిగ్గా లేని సమయంలోనే ఇ-మెయిల్స్ పొందడం ఈ సర్వీసుల ఉద్దేశం. రెగ్యులర్ ఇ- మెయిల్ సేవలు మాత్రం యథాతథంగా కొనసాగుతాయని టెక్ నిపుణులు చెబుతున్నారు.