Young man brutalized on Traffic police(Hyderabad latest news): యూసుఫ్‌గూడలో ఓ యువకుడు ట్రాఫిక్‌ ఎస్సైతో వీరంగం సృష్టించారు. ట్రాఫిక్‌ నిబంధనలు ఉల్లంఘించి రెచ్చిపోయాడు. నాకు చలానా రాస్తే నీ ఉద్యోగం ఊడుతుంది అని బెదిరించాడు. దీంతో ట్రాఫిక్‌ ఎస్‌ఐ నరేశ్‌ ఆ యువకుడిపై జూబ్లీహిల్స్‌లో ఫిర్యాదు చేశారు.

హైదరాబాద్‌లోని యూసుఫ్‌గూడలో ఓ యువకుడు రెచ్చిపోయాడు. ట్రాఫిక్‌ నిబంధనలు ఉల్లంఘించడమే కాకుండ.. ట్రాఫిక్‌ పోలీసులపై విరుచుకుపడ్డాడు. నిబంధనలు ఉల్లంఘించిన అతన్ని ట్రాఫిక్‌ పోలీస్‌ ఎస్సై నరేశ్‌ ఆపాడు. దీంతో కోపోద్రేకానికి గురైన ఆ యువకుడు ఎస్సైని బండ బూతులు తిట్టాడు.

Read More: వృద్ధుడి కామవాంఛకు చిన్నారి బలి.. జూబ్లిహిల్స్ బాలుడి మిస్సింగ్ కేసులో షాకింగ్ నిజాలు

తనకు చలానా రాస్తే ఆ ట్రాఫిక్‌ పోలీస్‌కి ఉద్యోగం ఊడుతుందని అన్నాడు. తను సైకోనని.. అంతు చూస్తానని హెచ్చరించాడు. పంజాగుట్ట పోలీసులను తన గురించి అడిగి తెలుసుకో మని రెచ్చిపోయాడు. బైక్‌పై పెట్రోల్‌ పోసి నిప్పంటిస్తానని వీరంగం సృష్టించాడు.

దీంతో సహనం కోల్పొయిన ట్రాఫిక్‌ ఎస్సై నరేశ్‌.. జూబ్లీహిల్స్‌ పోలీసులకు ఫిర్యాదు చేశారు. ఫిర్యాదు మేరకు జూబ్లీహిల్స్‌ పోలీసులు కేసు నమోదు చేసుకుని దర్యాప్తు ప్రరంభించినట్లు తెలిపారు.

Share

• 
• 
• 
• 
• 
•