Chandigarh Mayoral Poll: చండీగఢ్ మేయర్ ఎన్నికల్లో తాజా ట్విస్ట్‌. బీజేపీ మేయర్ మనోజ్ సోంకర్ సుప్రీంకోర్టు విచారణకు ఒక రోజు ముందు ఆదివారం రాత్రి రాజీనామా చేశారు.

చండీగఢ్ బీజేపీ చీఫ్ జతీందర్ మల్హోత్రా మాట్లాడుతూ, “నైతిక కారణాలతో మేయర్ రాజీనామా చేశారు. ఆప్, కాంగ్రెస్‌లు ఓట్ల ట్యాంపరింగ్‌పై నిరాధారమైన ఆరోపణలు చేస్తూ వాతావరణాన్ని పాడుచేశాయి. ఇప్పుడు, మళ్లీ ఎన్నికలు జరిగినప్పుడు, ఎవరు మెజారిటీ సాధిస్తారో ప్రజలకు తెలుస్తుంది,” అని స్పష్టం చేశారు.

శనివారం ఢిల్లీలో పార్టీ హైకమాండ్‌తో బీజేపీ సీనియర్ ఆఫీస్ బేరర్ల సమావేశం జరిగిందని, ఆ తర్వాత పార్టీ రాజీనామా చేయాల్సిందిగా సోంకర్‌ను కోరినట్లు ఆ పార్టీ వర్గాలు తెలిపాయి.

విచారణకు కొద్ది రోజుల ముందు, చండీగఢ్ బీజేపీ కూడా బ్యాలెట్ పేపర్లను తారుమారు చేశారనే ఆరోపణలపై నిప్పులు చెరిగిన ప్రిసైడింగ్ అధికారి అనిల్ మసీహ్‌ను మైనారిటీ సెల్ నుండి తొలగించింది.

Read More: లోక్ సభ యుద్ధం.. ప్రజాస్వామ్య కూటమి రాజవంశ కూటమి మధ్యే..

కాంగ్రెస్, ఆమ్ ఆద్మీ పార్టీ (AAP) జనవరి 30న జరిగిన మేయర్ ఎన్నికలో ఫౌల్ ప్లే ఆరోపిస్తూ సోంకర్‌ను తొలగించాలని కోరాయి. మసీహ్ బ్యాలెట్ పత్రాలపై రాసి ఎనిమిది ఓట్లు చెల్లకుండా చేయడంతో సోంకర్ గెలిచారని ప్రతిపక్షాలు ఆరోపించాయి.

మసీహ్ చండీగఢ్ బీజేపీ మైనారిటీ విభాగానికి ప్రధాన కార్యదర్శిగా ఉన్నారు. ఆయన సోమవారం సుప్రీంకోర్టు ముందు హాజరుకావాల్సి ఉంది.

జనవరి 18న, వాస్తవానికి ఎన్నికలు జరగాల్సి ఉండగా, మసీహ్ అస్వస్థతకు గురయ్యారు, దీంతో ఎన్నికలు జనవరి 30కి వాయిదా పడ్డాయి.

ఓటమి తర్వాత, కాంగ్రెస్-ఆప్ కలయిక పంజాబ్, హర్యానా హైకోర్టును ఆశ్రయించింది, ఫలితాలను రద్దు చేయాలని.. చండీగఢ్ మేయర్ ఎన్నికలను మళ్లీ నిర్వహించాలని కోరింది.

చండీగఢ్ మేయర్ ఎన్నికల సమయంలో జరిగింది “ప్రజాస్వామ్యాన్ని అపహాస్యం” అని సుప్రీం కోర్టు తరువాత వ్యాఖ్యానించింది. “ప్రజాస్వామ్యాన్ని ఇలా హత్య చేయడాన్ని మేము అనుమతించము” అని పేర్కొంది.

భారత ప్రధాన న్యాయమూర్తి డి వై చంద్రచూడ్ నేతృత్వంలోని త్రిసభ్య ధర్మాసనం తదుపరి విచారణ తేదీ ఫిబ్రవరి 19న హాజరు కావాలని ప్రిసైడింగ్ అధికారిని కోరింది.

Share

• 
• 
• 
• 
• 
•